رەسەي پرەمەر-ليگاسىنىڭ (رپل) التىنشى تۋرىندا سانكت-پەتەربۋرگتىڭ «زەنيتى» قوناقتا ۆورونەجدىڭ «فاكەلىن» 1:0 ەسەبىمەن جەڭدى، دەپ حابارلايدى infohub.kz.
«فاكەل» ستاديونىندا وتكەن كەزدەسۋ قوناقتاردىڭ جەڭىسىمەن اياقتالدى. ەكىنشى تايمعا قوسىلعان ءۇشىنشى مينۋتتا پەنالتيدەن سوعىلعان گول شەشۋشى بولدى. ءدال وسى سوققىنى رەسەيلىك شابۋىلشى الەكساندر سوبوليەۆ ورىندادى.
ايتا كەتۋ كەرەك، «زەنيت» ازشىلىقتا ويناپ، جەڭىسكە جەتتى: 85-مينۋتتا قورعاۋشى يگور ديۆەيەۆ تىكەلەي قىزىل قاعاز الدى.
قازاقستاندىق قورعاۋشى نۇرالى ءالىپ پەتەربۋرگتىكتەردىڭ نەگىزگى قۇرامىندا الاڭعا شىعىپ، بارلىق 90 مينۋتتى وتكىزدى. ويىن بارىسىندا ول 73 پاس بەردى، ونىڭ 59-ى ءدال بولدى.
وسى جەڭىستىڭ ارقاسىندا «زەنيت» 12 ۇپاي جيناپ، تۋرنير كەستەسىندە ەكىنشى ورىنعا كوتەرىلدى، الايدا تۋر قورىتىندىسى بويىنشا تومەندەۋى مۇمكىن. ماسكەۋدىڭ «سپارتاك» جانە سسكا كلۋبتارىندا دا ءدال سونشا ۇپاي بار. «كراسنودار» ماكسيمالدى 18 ۇپايمەن كوش باستاپ تۇر. «فاكەل» ەكى ۇپايمەن سوڭعى، 16-ورىندا.