الەۋمەتتىك جەلىلەردە بالانى قاتتى ۇرعان ءسات تۇسىرىلگەن ۆيدەو تارادى. جاريالانعان كادرلارداعى جازباعا سايكەس، وقيعا جامبىل وبلىسىندا بولعان، ال كۇدىكتى — قورداي اۋدانىنىڭ ءمۇعالىمى، دەپ حابارلايدى infohub.kz سايتى.
ۆيدەو استىنداعى جازبادا: «قورداي ءمۇعالىمى بالانى قاتتى ۇرىپ، كەيىن زارداپ شەككەن بالانىڭ اتا-اناسىنان كوپشىلىك الدىندا كەشىرىم سۇرادى» دەلىنگەن.
پەداگوگتىڭ ءوزى وقيعا شامامەن ءبىر جىل بۇرىن بولعانىن ءتۇسىندىردى. ءىسىن ەموسياعا ەرىك بەرىپ قويۋمەن ءتۇسىندىردى. ونىڭ ايتۋىنشا، ول كەزدە كىناسىن مويىنداپ، ءجاسوسپىرىمنىڭ اناسىنان كەشىرىم سۇراعان. ەندى ول وقۋشىنىڭ وتباسىنان كوپشىلىك الدىندا كەشىرىم ءوتىندى.
جامبىل وبلىسى پوليسيا دەپارتامەنتى NUR.KZ تىلشىسىنە بۇل دەرەك بويىنشا كامەلەتكە تولماعان بالانى تاربيەلەۋ مىندەتتەرىن تيىسىنشە ورىنداماۋ فاكتىسى بويىنشا قىلمىستىق ءىس قوزعالعانىن مالىمدەدى.
كۇدىكتى ۇستالدى. قازىرگى تاڭدا كامەلەتكە تولماعان بالانىڭ ءومىرى مەن دەنساۋلىعىنا ەشقانداي ءقاۋىپ ءتونىپ تۇرعان جوق.
«ءىس ءمان-جايىن جان-جاقتى، تولىق جانە وبەكتيۆتى انىقتاۋ ءۇشىن قاجەتتى تەرگەۋ ارەكەتتەرى جۇرگىزىلۋدە. ولاردىڭ ناتيجەسى بويىنشا ءتيىستى پروسەستىك شەشىم قابىلدانادى»، — دەدى ۆەدومستۆودا.