قازاقستاندىق بوكسشى جانىبەك ءالىمحان ۇلى دومينيكانيالىق كارلوس ادامەستىڭ شاقىرتۋىنا مىسقىلمەن جاۋاپ بەرىپ، Instagram پاراقشاسىندا پىكىر جاريالادى، دەپ حابارلايدى infohub.kz سايتى.
بىرنەشە كۇن بۇرىن WBC نۇسقاسى بويىنشا الەم چەمپيونى كارلوس ادامەس X الەۋمەتتىك جەلىسىندە ءالىمحان ۇلىعا جولداۋ جاريالاپ، قازاقستاندىق سپورتشىنىڭ اككاۋنتىن بەلگىلەگەن ەدى. «ەي، سەن تازاسىڭ با؟ ءقازىر جۇدىرىقتاسۋعا دايىنسىڭ با؟ كەتتىك!» — دەلىنگەن ادامەستىڭ جازباسىندا.
جاۋاپ تا كوپ كۇتتىرمەدى: ءالىمحان ۇلى جەكە Instagram پاراقشاسىندا دومينيكانيالىقتى stories ارقىلى كەلەمەجدەدى.
«كەشە كوڭىلىم كوتەرىلىپ كۇلدىم. مىنا ادامەس مەنى جەكپە-جەككە شاقىرىپتى. جاقسى مولدا تاۋىپ، وعان دۇعا وقىتۋعا جىبەرۋ كەرەك ەدى. جىگىتتى ءتىپتى ايايسىڭ! شىعۋدى ۇسىنسام — قاشادى. ال قاشقاندا: كەل، جۇدىرىقتاسايىق، دەيدى. مەن ونى تۇسىنبەدىم. كۇلكىدەن ءتىپتى جاۋاپ تا بەرە المادىم»، — دەپ جازدى ءالىمحان ۇلى.