ورتا سالماقتاعى دۇنيەجۇزىلىك بوكس كەڭەسىنىڭ (WBC) قازىرگى الەم چەمپيونى دومينيكاندىق كارلوس ادامەس قازاقستاندىق بوكسشى جانىبەك ءالىمحان ۇلىن دوپينگ جانجالىن ەسكە سالىپ، جەكپە-جەككە شاقىردى، دەپ حابارلايدى infohub.kz سايتى.
«ەي، جانىبەك، سەن تازاردىڭ با؟ ءقازىر توبەلەسكىڭ كەلە مە؟ دايىنسىڭ با؟ كەتتىك، جاسايىق»، — دەپ جازدى ادامەس X الەۋمەتتىك جەلىسىندە قازاقستاندىق سپورتشىنىڭ پاراقشاسىن بەلگىلەپ.
بۇعان دەيىن كارلوس ادامەس ەكىنشى ورتا سالماققا (76،2 كگ-عا دەيىن) كوتەرىلۋ نيەتىن مالىمدەگەن. ءدال وسى سالماق دارەجەسىندە ءقازىر جانىبەك ءالىمحان ۇلى ونەر كورسەتىپ ءجۇر. ول دۇنيەجۇزىلىك بوكس ۇيىمىنىڭ (WBO) رەيتينگىندە ءبىرىنشى ورىندا تۇر جانە بريتانيالىق حامزا شيراز ونىمەن جەكپە-جەكتەن باس تارتقان سوڭ، بوس چەمپيوندىق بەلبەۋ ءۇشىن قارسىلاسىنىڭ تاعايىندالۋىن كۇتۋدە.
ەسكە سالايىق، جانىبەك ءالىمحان ۇلىنا قاتىستى دوپينگ جانجالى 2025 جىلدىڭ جەلتوقسانىندا بولعان ەدى. كۋبالىق ەريسلاندي لاراعا قارسى ءۇش بەلبەۋ ءۇشىن وتەتىن اسا ماڭىزدى بىرىكتىرۋشى جەكپە-جەك قارساڭىندا ونىڭ دوپينگ سىناماسىنان تىيىم سالىنعان مەلدوني پرەپاراتى تابىلدى. اقپاندا WBO بوكسشىعا قاتىستى تارتىپتىك شەشىم شىعاردى. كەيىن ۇيىم جانىبەكتى چەمپيوندىق جوسپارلارىندا ەسەپكە الۋدى جالعاستىرىپ، تامىزدا ونى ەكىنشى ورتا سالماقتاعى WBO بەلبەۋىنە مىندەتتى ۇمىتكەر ەتىپ تاعايىندادى.
كارلوس ادامەس الەۋەتتى جەكپە-جەك الدىندا جانىبەكتى «تازالىعى» تۋرالى سۇراقپەن شىمشىپ الۋدى ۇيعارعاندا، ءدال وسى وقيعانى ەسىنە الدى.