جاپونيانىڭ تيبا پرەفەكتۋراسىندا رەكوردتىق جاڭبىر سالدارىنان ءتورت ادام قازا تاۋىپ، ونداعان عيمارات سۋ استىندا قالدى، تاعى ءبىر تۇرعىن حابار-وشارسىز كەتتى، دەپ حابارلايدى infohub.kz.
توكيودان شىعىسقا قاراي ورنالاسقان تيبا پرەفەكتۋراسىنا 13 تامىز كەشكە قاتتى جاڭبىر جاۋدى. جاپونيانىڭ مەملەكەتتىك تەلەراديوكومپانياسى NHK دەرەكتەرىنە سايكەس، بىرنەشە اۋداندا جاۋىن-شاشىننىڭ رەكوردتىق مولشەرى تىركەلدى.
ستيحيا سالدارىنان پرەفەكتۋرادا ونداعان عيمارات سۋ استىندا قالدى، ءبىر ادام حابار-وشارسىز كەتتى. يتيكاۆا قالاسىندا بىرنەشە كولىك سۋ باسقان جولداردا تۇرىپ قالدى، ال تيبادا قوعامدىق كولىك جۇمىسىن توقتاتتى.
حابارلامادا ايتىلعانداي، پرەفەكتۋرانىڭ ورتالىعى تيبا قالاسىندا 12 ساعات ىشىندە 348 ميلليمەتر جاۋىن-شاشىن تۇسكەن، بۇل باقىلاۋ تاريحىنداعى ەڭ جوعارى كورسەتكىش جانە تامىز ايىنداعى ورتاشا ايلىق نورمادان شامامەن ءۇش ەسە ارتىق.
جۇما تاڭەرتەڭ جاپونيانىڭ مەتەورولوگيالىق باسقارماسى جاڭبىر مەن كوشكىن ءقاۋپى تۋرالى ەسكەرتۋ دەڭگەيىن ماكسيمالدى بەسىنشىدەن تورتىنشىگە جانە ءارتۇرلى مۋنيسيپاليتەتتەردە ودان تومەنگە ءتۇسىردى.