عالىمدار ادام ساناسىنىڭ مي مەن ىشكى اعزالار اراسىنداعى ۇزدىكسىز ىرعاقتى ديالوگ ارقىلى قالىپتاساتىنىن انىقتادى، دەپ حابارلايدى infohub.kz.
سانتا-بارباراداعى كاليفورنيا ۋنيۆەرسيتەتىنىڭ زەرتتەۋشىلەرى Neuroscience of Consciousness جۋرنالىندا جاريالانعان زەرتتەۋ جۇرگىزدى. عىلىمي جۇمىس اۆتورلارى مي، جۇرەك، وكپە جانە اسقازان اراسىنداعى ءوزارا ارەكەتتەستىكتىڭ قابىلداۋعا، ەموسيالارعا جانە وزىندىك «مەن» سەزىمىنە قالاي اسەر ەتەتىنىن زەرتتەدى.
عالىمداردىڭ تۇجىرىمى بويىنشا، تىنىس الۋ، جۇرەك سوعىسى جانە اسقازاننىڭ جيىرىلۋى نەيروندار توپتارى ءۇشىن تۇراقتى باعدار بولىپ تابىلادى. اعزا جۇيكە جاسۋشالارىنىڭ بەلسەندىلىگىن ۇيلەستىرىپ، ولاردىڭ سەزىمتالدىعىن وسى ىشكى سيكلدەرگە بەيىمدەيدى. مىسالى، ادام كورۋ بەينەلەرىن دەم العان كەزدە جاقسى ەستە ساقتايدى، ال قورقىنىشتى تىتىركەندىرگىشتەر جۇرەك جيىرىلعان كەزدە تەزىرەك قابىلدانادى.
زەرتتەۋشىلەر قالىپتى پسيحيكالىق دەنساۋلىق ءۇشىن دەنەنىڭ ميعا اسەر ەتۋ تەپە-تەڭدىگىن ساقتاۋ ماڭىزدى ەكەنىن اتاپ وتەدى. مازاسىزدىق جاعدايىندا اعزالاردىڭ سيگنالدارى تىم كۇشتى بولادى، ال دەپرەسسيا كەزىندە ولاردىڭ ميمەن بايلانىسى، كەرىسىنشە، السىرەيدى. بۇل جاڭالىق سانانى تەك نەيروندىق بەلسەندىلىكتىڭ ءونىمى دەپ قاراستىراتىن ءداستۇرلى كوزقاراستى وزگەرتەدى.