InfoHub Logo

Келер шақ (7 - сынып)

Сабақтың мақсаты:
Білімділік: Оқушыларға келер шақ және оның түрлері туралы түсінік беру.
Дамытушылық: Оқушының сөйлеу тілін дамыту, өз ойын еркін, жатық жеткізе білуге одан әрі дағдыландыру, өз бетімен іздене білуге, ой қорытуға үйрету.
Тәрбиелік: Оқушыларды адамгершілікке, еңбексүйгіштікке, батылдыққа, туған жерін, елін сүюге тәрбиелеу.
Түрі: Жаңа сабақты меңгерту.
Әдіс - тәсілдері: сұрақ - жауап, түсіндіру, іздендіру, топпен жұмыс
Көрнекілігі: интерактивті тақта, оқулық, үлестірмелі қағаздар, семантикалық карта
Пәнаралық байланыс: әдебиет

Сабақтың барысы:
І. Ұйымдастыру кезеңі
а) Оқушылармен амандасу.
ә) Оқушыларды үш топқа бөлу.

II. Үй тапсырмасын сұрау. 131 - жаттығуды тексеру
«Гүл сыйлау» әдісі арқылы 3 топ сұрақтар қою арқылы өткен сабақтарда алған білімдерін тексеру
1. Етістіктің шақтары дегеніміз не?
2. Шақтың қандай түрлері бар?
3. Осы шақ дегеніміз не? Түрлерін атаңдар.
4. Нақ осы шақ қалай жасалады?
5. Ауыспалы осы шақ дегеніміз не?
5. Қалып етістіктерін атаңдар?
10. Өткен шақтың қандай түрлері бар?
11. жедел өткен шақ дегеніміз не? Қалай жасалады?
12. Бұрынғы өткен шақ қалай жасалады?
13. Ауыспалы өткен шақ дегеніміз не?

ІІІ. Жаңа сабақ.
Тақтадан Астана қаласының суреті шығады. Суретке қарай отыра, бірнеше сұраққа
жауап алынады.
- Астана көрінісі қандай?
- Болашақта өзіміздің қаламыздың қандай болғанын қалайсыңдар?
- Әрине, болашақ біздің қаламыз да осындай болмақ, барлығы тек сендердің қолдарыңда,- дей отырып, бүгінгі тақырыпты өздеріне ашқызу.
Жаңа сабақтың тақырыбы: Келер шақ. а Бүгінгі сабағымыздың тақырыбын, мақсатын хабарлау.
Сендер үйге келерсіңдер. Асан ертең нағашы атасына бармақ.
Мысалдар арқылы жаңа сабақтың ережесін оқушылар өздері шығарады.
Келер шақ қимылдың, іс - әрекеттің сөйлеп тұрған сәттен кейін болатынын білдіреді. Келер шақ мағынасы мен жасалуына қарай үшке бөлінеді: