InfoHub Logo

2026 jylǵa deıin 400-den astam jańa mektep ashylady. Bul týraly QR Úkimetiniń keńeıtilgen otyrysynda Premer-Mınıstr Álıhan Smaıylov aıtty.

«Bilim berý salasynda jyl basynan beri 34 myń oryndyq 325 balabaqsha ashyldy. 3 jastan 6 jasqa deıingi qamtý 98 paıyzdy qurady. Úsh aýysymdy jáne apatty mektepterdi joıý úshin «Jaıly mektep» ulttyq jobasy bekitildi. Bıyl 106 myń oryndyq 201 mektep ashyldy. 2026 jylǵa deıin 842 myń oqýshy ornyna arnalǵan 400-den astam jańa mektep ashylady», - dedi Úkimet basshysy.

Onyń atap ótýinshe, búgingi tańda 410 kolej 500-ge jýyq kásiporynǵa merdigerlikke berildi. 2025 jylǵa qaraı kolej oqýshylarynyń 100 paıyzy tegin kásiptik bilimmen qamtylady.

«Densaýlyq saqtaý salasyn damytýdyń 2026 jylǵa deıingi tujyrymdamasy qabyldandy. «Aýyldyq densaýlyq saqtaýdy jańǵyrtý» ulttyq jobasy bekitildi. «Bıologıalyq qaýipsizdik týraly» jańa zań qabyldandy. Medısınalyq tehnıkany ortalyqtandyrylǵan satyp alý mehanızmi engizildi. Ótken jyldyń uqsas kezeńimen salystyrǵanda halyqtyń jalpy ólim-jitimi 28 paıyzǵa jáne ana ólim-jitimi 3,5 esege tómendedi. Kelesi jyly onkologıalyq aýrýlarmen kúres jónindegi 3 jyldyq keshendi jospardyń iske asyrylýy bastalady», - dedi Álıhan Smaıylov.

---