InfoHub Logo

Jahandyq medısına sát saıyn damyp, jaǵymdy jańalyqtar jarıalanyp jatqanymen, adamzat balasy aýyzdyqtaı almaı otyrǵan kesel men dert áli de az emes. Ásirese otandastarymyzdy onkologıalyq aýrýlar alańdatady.

Qaterli isikten qulantaza aıyǵý­dy armandaǵan adamnyń kúdigi kúsheı­genimen, úmiti úzilmeıtini belgili. Alaıda aýrý bar bolǵan soń, onyń aldyn alý isi de bar ekenin qaperden shyǵarmaǵan jón. «Aýyryp em izdegenshe, aýyrmaýdyń jolyn izdegen» durys-aq. Byltyr qarashada Qazaqstan halqyna onkologıalyq kómek kórsetýdi uıymdastyrý standarty jańar­tylyp, sonyń sheńberinde 2022 jyl­dan bastap «Jasyl dáliz» engizildi. Bul qadam adamdardyń qaterli isikke de­gen kúdigi kezinde pasıentterdi tekse­rý ýaqytyn qysqartýǵa múmkindik bere­di.

Jalpy onokolog mamannyń aıtýy boıynsha onkologıalyq aýrýlardy anyqtaýdyń eń tıimdi joly-medısınalyq skrınıng. Azamattar der kezinde dárigerlerdiń dabylyna qulaq asyp, ýaqytyly tekseristen ótetin bolsa  aýrýdyń aldyn alǵan bolar edi. Sondaı-aq qaterli isik aýrýymen klınıkaǵa er adamdardan góri, áıel adamdardyń kóbirek keletini aıtyldy.

Qazaqstanda qaterli syrqatqa qarsy skrınıngtik tekserýler 25 jastan bastalady.

QR árbir azamaty memlekettik qarajat esebinen tegin medısınalyq kómek alýǵa quqyly. Kvota tegin tekserýge, emdeýge, sonyń ishinde operasıa jasaýǵa jáne dári-dármek pen tamaqtanýǵa kepildik beredi. Halyqtyń tyǵyzdyǵyna baılanysty ár aımaqqa kvotalardyń belgili bir sany esepteledi. Eń aldymen, pasıent medısınalyq tekserýden ótip, aýdandyq emhananyń emdeýshi dárigerinen joldama alýy kerek. Kvota stasıonar jaǵdaıynda memlekettik qarajat esebinen medısınalyq kómek kórsetýge eseptelgen. Medısınalyq kómek kórsetý – emhanalar men aýrýhanalarda emdeý-memleketten tegin medısınalyq kómek kólemine kiredi. Eger sizdiń dıagnozyńyz táýlik boıy baqylaýdy qajet etpese, onda turǵyndar ambýlatorıalyq-emhanalyq deńgeıde emdele alady. Stasıonarlyq emdeýge kórsetilimder bolǵan jaǵdaıda naýqasqa joldama beriledi. Tirkeý nómirin alǵannan keıin Pasıent respýblıkalyq gospıtalızasıa búrosynyń veb-saıtynda QR aýrýhanalarynda emdeýge jatqyzý úshin bos oryndardy derbes baqylaı alady.

Dúnıe júzilik densaýlyq saqtaý uıymdary sarapshylarynyń baǵalaýy boıynsha durys tamaqtaný, belsendi ómir salty jáne de temeki shegýden bas tartý arqyly onkologıalyq aýrýlardyń 40%-nyń aldyn alýǵa bolady eken. Endeshe aýrýdyń aldyn alý, odan saqtaný úshin óz qolymyzdan keletin sharalardy jasaýdy esten shyǵarmaıyq. Aıtylǵan aqparattardy boıymyzǵa sińirip, oryndaýǵa tyryssaq aty jaman aýrý bizden alystaı túseri anyq. Densaýlyǵymyzdy saqtap júreıik!

Erkenaz Jalmuqasheva H.Dosmuhamedov atyndaǵy Atyraý ýnıversıtetiniń 3 kýrs stýdenti

---