InfoHub Logo

«WorldSkills Kazakhstan 2022» VII Respýblıkalyq kásibı sheberlik chempıonatynyń qorytyndysy shyqty.

110 kolej stýdenti men jas maman 30 quzyret boıynsha jeńimpaz atandy. Olar 34 altyn, 38 kúmis jáne 38 qola medal jeńip aldy. Chempıonattyń taǵy 144 qatysýshysy úzdik medaldarmen marapattaldy.

Baspasóz qyzmetiniń habarlaýynsha, jeńimpazdar elimizdegi iri kásiporyndardan jumysqa shaqyrtý alady jáne kelesi jyly WorldSkills Europe chempıonatyna qatysý úshin ulttyq quramaǵa kirý múmkindigine ıe bolady.

«Búgin biz 30 nomınasıa boıynsha jeńiske jetken úzdik stýdentterdi, kolej túlekterin marapattadyq. Sizder aımaqtyq irikteý kezeńinen sátti ótip, respýblıkalyq baıqaýda jeńiske jettińizder jáne óz sheberlikterińizdi kórsettińiz. Jastar arasynda WorldSkills qozǵalysy tanymal bolyp kele jatqany qýantady. Sizderge halyqaralyq jarystarda jańa jeńister tileımin»,-dedi «WorldSkills Kazakhstan 2022» jarysynyń jabylý saltanatynda Oqý-aǵartý vıse-mınıstri Ǵanı Beısembaev.

Esterińizge sala keteıik, VII respýblıkalyq chempıonatqa elimizdiń barlyq óńirinen 500–den astam WorldSkills óńirlik kezeńderiniń jeńimpazdary qatysty. Olar 30 negizgi quzyrettilik boıynsha jarysty.

Onyń ishinde elektrmontajdaý jumystary, aspazdyq jáne meıramhana isi, bızneske arnalǵan IT-sheshimder, web-tehnologıalar, mobıldi robototehnıka, mehatronıka, prototıpteý jáne basqa da quzyrettilikter bar.

Sondaı-aq, saltanatty sharada WorldSkills álem chempıonattarynda elimizdiń namysyn abyroımen qorǵap júrgen Dına Afanaseva «Best of National» medalimen marapattaldy. Ol osy jyldyń qazan aıynda Koreıada ótken «WorldSkills Competition-2022» saıysynda «Veb-tehnologıa» quzyrettiligi boıynsha qola júldege ıe boldy. Sondaı-aq WorldSkills Europe (WSOPE) jarysynda júlde alǵan alǵashqy qazaqstandyq. Dına ótken jyly Eýropa chempıonatynda qola medal jeńip aldy.

Esterińizge sala keteıik, «WorldSkills Kazakhstan 2022» respýblıkalyq chempıonaty 7-9 jeltoqsan aralyǵynda «EXPO» halyqaralyq kórme ortalyǵy men Astana qalasynyń kolejderi alańynda ótti.

Jarysqa qatysqan kolej jáne JOO stýdentteriniń, sondaı-aq kásiporyndardyń jas mamandarynyń jumysyn 500-den astam sarapshy baǵalady.

WorldSkills halyqaralyq qozǵalysy jumysshy mamandyqtardyń bedelin arttyrýǵa jáne tanymal etýge baǵyttalǵan joba. Sonymen qatar saıys bilikti kadrlardy daıarlaýda jańa trendter týǵyzatynyn da atap ótken jón. Jarysqa álemniń 60-tan astam memleketi qatysady. Qazaqstan WorldSkills International (WSI), WorldSkills Europe (WSE) qaýymdastyqtarynyń teń quqyly múshesi bolyp tabylady.

---