InfoHub Logo

Kóshede balasyn ıyǵyna otyrǵyzyp, arqalap, bir dos-jar adamnyń balasy kele jatyr eken. Maǵan burylyp kelip sálem berdi.

— Áke-shesheń aman ba, balam?

— Aman shyǵar, bilmeımin.

— Bilmegeniń qalaı? Habarlasyp turmaısyń ba?

— Ákeı men shesheı turǵan jerde telefon joq.

— Hat jazyp habarlaspaısyń ba?

— Qol tımeıdi. Ýaqyt joq.

— Áke-shesheńe qatynaspaǵanyńa qansha ýaqyt boldy?

— Úsh-tórt jyl bolyp qaldy.

— Áke-shesheń de senderge kelmeı me?

— Qatynasqan kisilerden qoı soıyp, berip jiberip turady.

— Iyǵyńdaǵy bala ózińniń balań ba?

— Ózimniń balam.

— Jolyń bolsyn! Qaıda ketip bara jatyrsyńdar?

— Balalar baqshasyna bara jatyrmyz.

— Ákeń-shesheń seni óstip ıyǵyna salyp kóterdi me jas kezińde?

— Kóterse kótergen shyǵar. Umytyp qalyppyn, bilmeımin.

— Balań atasy men ájesin tanı ma?

— Bilmeımin.

— Aman-esen júrgenińe shúkirshilik etemin, qaraǵym. Saý bol, — dep men burylyp júrip kettim.

---