InfoHub Logo

Eresektermen salystyrǵanda balalardyń kózimen ómir qyzyqty, ári óte qarapaıym. Balanyń tili bal bolatyny ras eken-aý. Úıge kelgenińde olardyń san túrli suraqtary men byldyrlap sóılegen tátti sózderi birden sharshaǵanyńdy umyttyryp jiberedi. Balalar negizinen ásershil, tez eliktegish keledi ǵoı. Eresekterdiń árbir qımylyn, sózderin sol kúıi qabyldap alyp, ony  úlken ómirge alyp ketedi. Sondyqtan úlkenderge  salmaqty sóz sóılep, sanaly is-áreket jasaǵan jóndirek.

Balasyz úı - mazar, balaly úı - bazar" dep atam qazaq bekerden beker aıtpasa kerek. Men de bala boldym. Bári jan-jaqtan qyzyǵyp suraq qoıyp, alqymymnan alatyn edi. Qazir ózim de kishkentaı jıenderime túrli sózderdi aıtqyzyp, qyzyq kórip júrmin. Bir jıenime "ózińe bir nárse alarsyń" dep maıda tıyndar bergenmin. Tıyndy alǵan jıenim "bárin jınap, mamama aparymyn" dep sómkesine salyp, tyǵyp qoıyp jatqany erekshe áser qaldyrdy. Qazirgi búldirshinderdiń zerek, aqyldy, ári bárin baqylap otyratynyna  kózim jetti.      

21 ǵasyrdyń balalary tez jetilip keledi. Olar tehnıkanyń tilin tez meńgeredi. Kompúter men uıaly telefondaǵy oıyndardy erkin oınap otyrǵan 4-6 jastan asqan balany kórsek tańǵalmaıtyn boldyq. Esesine, balalardyń dalada top quryp, bizdiń kezimizdegideı qyzyqty oıyn túrlerin oılap taýyp, tanymdyq qabiletin arttyratyn oıyndardan qapy qalǵanyn baıqaýǵa bolady. Balapandarǵa erte jastan úlken adamdarsha qarym-qatynas jasap, aıaq kıiminiń baýyn ózi baılap, qyz bala shashtaryn ózi óre alatyndaı etip daǵdylandyrý kerek sekildi. Sondaı-aq otbasynda qazaqsha sóılep, tilimizdiń damýyna da kóńil bólýimiz óte mańyzdy.Óıtkeni búgingi jaqsy tárbıe alyp, ózin baqylaýda ustaı biletin bala, erteńgi kúni el bolashaǵyna paıdasyn tıgizetin tulǵa bolatynyna senemin.Balanyń osy bastan-aq jaqsy jaqqa damýy, bul- bolashaq kepili.

Erkenaz Jalmuqasheva  

Halel Dosmuhamedov atyndaǵy Atyraý ýnıversıtetiniń jýrnalısıka fakúltetiniń 3 kýrs stýdenti

---