Bıyl 12 jyldyq jáne úsh tilde bilim berýge daıyndyq kýrstarynan 69 myńnan astam ustaz ótedi
Bıyl 12 jyldyq jáne úsh tilde bilim berýge daıyndyq kýrstarynan 69 myńnan astam ustaz ótedi. Bul týraly búgin Ortalyq komýnıkasıalar qyzmetindegi baspasóz máslıhatynda QR Bilim jáne ǵylym vıse-mınıstri Elmıra Sýhanberdıeva málim etti.
«Jalpy bilim berý júıesinde 325 184 pedagog jumys isteıdi. 2016 jyly kýrstardan 91 391 muǵalim, onyń ishinde bilim mazmunyn jańartý aıasynda 69 097 ustaz ótedi. Úshtildi bilim berýdi engizý kezinde bıyl Nazarbaev Ýnıversıteti men elimizdiń 15 joǵary oqý oryndary bazasynda bıologıa, hımıa, fızıka jáne ınformatıka pánderiniń 675 muǵalimine arnalǵan tórt aılyq kýrstardy ótkizýdi josparlaýda. Bul kýrstardyń maqsaty - oqytýshylar arasynda aǵylshyn tilin jetildirý», - dedi ol.
Onyń sózine qaraǵanda, 2017-2019 jyldary árbir jyl saıyn 5200 muǵalim aǵylshyn tilinde kýrstarmen qamtylady. Atap aıtqanda, JOO-da muǵalimderdi 12 jyldyq bilim berýdiń jańa mazmunyna sáıkes daıyndaý bastaldy. Búginge deıin 42 joǵary oqý ornynda 18 myńnan astam stýdent úshtildilik baǵdarlamaǵa sáıkes bilim alýda.
You Might Also Like
-
Bıyl jańa oqý jylynda birinshi synypqa 410 myńnan astam bala keledi. Bul týraly búgin Ortalyq komýnıkasıalar qyzmetindegi baspasóz máslıhatnda QR BǴM Mektepke deıingi jáne orta bilim departamentini...
