Bıyl jańartylǵan bilim mazmuny birinshi synypqa engiziledi
2020 jylǵa qaraı 12 jyldyq qurylymmen jańartylǵan bilim mazmunyna kóshý barlyq synyptarda aıaqtalady. Bul týraly búgin Ortalyq komýnıkasıalar qyzmetindegi baspasóz máslıhatynda QR Bilim jáne ǵylym vıse-mınıstri Elmıra Sýhanberdıeva málim etti.
«Mınıstrlik «100 naqty qadam» Ult josparynyń qadamdaryn jáne Bilim men ǵylymdy damytýdyń 2016-2019 jyldarǵa arnalǵan memlekettik baǵdarlamasyn iske asyrý maqsatyndaǵy bilim mazmunyna kezeń-kezeńmen kóshý jumystaryn bastady. Jańa oqý jylynan bastap elimizdiń barlyq mektepterine Nazarbaev Zıatkerlik mektepteriniń tájirıbesi boıynsha jańartylǵan bilim mazmuny birinshi synyptan bastap engiziledi», - dep atap ótti E. Sýhanberdıeva.
Osy rette ol oqýshylardyń fýnksıonaldyq saýattylyǵyn damytýǵa baǵyttalǵan jańartylǵan mazmun 30 qanatqaqty mektepte synaqtan tabysty ótkenin málim etti.
«Jańartylǵan bilim mazmuny arnaıy kestege sáıkes kezeń-kezeńmen engiziledi: 2016 jyly - 1-synyp, 2017 jyly - 2,5,7 synyptar, 2018 jyly - 3,6,8,10-synyptar, 2019 jyly - 4,9,11,12-synyptar. 2020 jylǵa qaraı 12 jyldyq qurylymmen jańartylǵan bilim mazmunyna kóshý barlyq synyptarda aıaqtalady», - dedi vıse-mınıstr.
You Might Also Like
-
Kóz astynda qara daqtyń paıda bolýyna kóptegen faktorlar sebep bolýy múmkin. Odan qutylý da tájirıbe kórsetkendeı, ońaı emes. Kóbi dárigerge kórinýge, kún tártibi men tamaqtaný tártibin ustanýǵa já...
