Bıyl 410 myń búldirshin mektep tabaldyryǵyn alǵash ret attaıdy
Bıyl jańa oqý jylynda birinshi synypqa 410 myńnan astam bala keledi. Bul týraly búgin Ortalyq komýnıkasıalar qyzmetindegi baspasóz máslıhatnda QR BǴM Mektepke deıingi jáne orta bilim departamentiniń dırektory Jańyl Jontaeva málim etti.
«Bıyl birinshi synypqa 410 myńnan astam bala keledi dep kútilýde. Barlyq oblystarda aqparattyq túsindirý jumystary, mektepterdiń daıyndyǵyn boıynsha málimetterdi jınaqtaý aıaqtalýdy. Búginde mektepter daıyn. Sonymen qatar qazirgi kezde ustazdardy, oqýlyqtardy daıarlaý sharalary júrip jatyr», - dedi departament basshysy.
Onyń sózine qaraǵanda, qazirgi kezde bilim zańnamasyna sáıkes, tamyzdyń ortasyna qaraı barlyq mektepterge oqýlyqtar jetkiziledi. Osy rette tıisti kelisimsharttar bekitilgen kórinedi.
«Bilim jáne ǵylym mınıstri onlaın rejimde barlyq ata-analar komıtetiniń tóraǵalarymen pikir almasýlar ótkizdi. Qazir aıyna bir ret osyndaı kezdesýler ótkizý týraly usynystar túsip jatyr», - dedi J. Jontaeva.
Budan bólek, departament dırektory birinshi synypqa qabyldanatyn búldirshinderge test nemese emtıhan tapsyrý qarastyrylmaǵanyn atap ótti.
«Zańnamaǵa sáıkes, 6-7 jasqa tolǵan balalardy ata-analary mektepke birinshi synypqa aparýǵa quqyly», - dedi ol.
You Might Also Like
-
Almaty oblysy, Balqash aýdany, Baqanas aýyly, Baqanas agrarly–ındýstrıaldyq kolejiniń óndiristik oqytý sheberi Malybaev Sharhan Seıdahmetovıch
-
Bıyl 12 jyldyq jáne úsh tilde bilim berýge daıyndyq kýrstarynan 69 myńnan astam ustaz ótedi. Bul týraly búgin Ortalyq komýnıkasıalar qyzmetindegi baspasóz máslıhatynda QR Bilim jáne ǵylym vıse-mını...
