InfoHub Logo

Psıhologıalyq trenıń: Jaqsylyq nury, adamgershilik nári.

Maqsaty: Ata - ana men bala jáne pedagogtar arasynda adamı qatynastardy ornatý, balalarǵa eki jaqty úılesimdi tárbıe berý, balalarmen durys jumys jasaý daǵdylaryn qalyptastyrý, ata - ana men bala arasyndaǵy qarym - qatynasty nyǵaıtý, árqaısysynyń boıyna adamgershilik qasıetterdi sińirý. Jaqsylyq jasaýǵa umtyldyrý.
Qatysýshylar: ata - analar, pedagogtar

1. Tanysý - Esimder
Men dopty laqtyramyn, dopty qaǵyp alǵan adam óz esimin aıtyp qaıtadan maǵan laqtyrady. Osylaısha barlyǵymen tanysqansha jalǵasa beredi.

Psıholog: Búgingi bizdiń trenıń taqyryby ózderińiz baıqaǵandaı adamnyń boıyndaǵy asyl qasıetter - adamgershilik pen jaqsylyq týraly bolmaq. Endeshe ata - analar men pedagogtar bolyp ekige bólinip otyralyq.
1 - top: ana - analar
2 - top: pedagogtar

Aldaryńyzda eki qaǵaz bar, onda eki túrli sóz jazylǵan. Ár top ózderine berilgen pikirdiń mán - maǵynasyn ashyp berý kerek.

1. Adamnyń adamgershiligi - aqyl - ǵylym, jaqsy ata - ana, ulaǵatty ustazdan bolady. (A.Qunanbaev)
2. Adamda jaqsy qasıet bolmasa, oqan baq ta, baqyt ta qonbaıdy. (J. Balasaǵunı)

Eki jaqtyń pikiri tyńdalyp, qorytyndysy shyǵarylady.

Oıyn: Oryndaryńmen almas.
Men adam boıynda kezdesetin kez - kelgen qasıetterdi aıtamyn, eger sol qasıetter kimniń boıynda bolsa sol adamdar bir - birimen oryndarymen aýysýy qajet.

Ol adal, ádil, únemi jaqsylyq isteıdi; qyzǵanshaq, urysqaq, ótirik aıtady; meıirimdi, qarapaıym; menmenshil, mazasyz. (Oıyn qorytyndysynda ár adam óz boıyndaǵy jaqsy qasıetteri ǵana emes jaman qasıetteri bar ekenin de moıyndap, pikir alysady.)

Relaksasıa: Aqyl joly

2 - tapsyrma:
Senbe jurtqa, tursa da qansha maqtap,
Áýre etedi ishine qýlyq saqtap.
Ózińe sen, ózińdi alyp shyǵar
Aqylyń men eńbegiń eki jaqtap.(A. Qunanbaev)

Ómir teńiz - onda júzem demeńiz,
İzgilikten jaralmasa kemeńiz.

Qatynasýshylar óz pikirlerin bildiredi. Qorytyndy jasalady.

3 - tapsyrma: Adamgershilik, jaqsylyq týraly maqal - mátelder aıtý

Psıholog: Adamgershilik - asyl qasıet, adam az ǵana ómirde bir - birimen syılastyqta, jaqsylyqta ómir súrýge talpynsa ómirimiz de nurlana túsedi. Bireýdiń kemshiligin qana emes jaqsylyǵyn da kóre bilý kerek. Bireýge qarap suq saýsaǵyńdy kórsetseń qalǵan úsh saýsaǵymyzdyń ózimizge qaraıtynyn kóbimiz baıqamaımyz. Endeshe Hores Ratledjdiń ádemi sózine nazar aýdaraıyq:

Eger ómirge tar kózben qarasań, ol sonshalyqty tar. Oǵan jıirkenishpen qarasań, sonshalyqty jıirkenishti. Oǵan jarqyn, keń, dos kóńilmen qarasań, qanshama tamasha adamdy tabasyń.

Endeshe búgingi kezdesýimizden Jaqsylyq nury men Adamgershilik nárin boıymyzǵa sińirdik dep oılaımyn.
Qatynasýshylar bir - bir ádemi tilekterin Tilek aǵashyna ornalastyrsyn. (taqtada tilek aǵashy ornalasady)
Qatynasqandaryńyzǵa kóp rahmet!