InfoHub Logo

Qazaq handary men batyrlary týraly jazǵan dastanymnyń úzindisin oqyrmandarǵa usynǵandy jón kórdim. Qazaq tarıhynda eń birinshi jáne sońǵy taq talasy, baq talasy 1627 jyly bolǵan oqıǵa.
Avtor: Sálimbaev Tilekqalı

Qataǵan tragedıasy.

Qataǵan - qazaq rýy kóne shaqtan,
El shetine jaý kelse qorǵan bolǵan.
Keń dalada erkin ósken aıbyndy jurt.
Máýrenahr, Buqardy talaı shapqan.
Qataǵanda Tursyn han degen bolǵan,
Alǵan oıy tý basta bolǵan jaman.
Eki san qataǵandy elden bólip,
Jeke handyq qurýdy oıyna alǵan.
Buqar hany Imamquly muny sezgen,
Kókten izdegeni tabylyp jerden.
Qoltyǵyna sý búrkip qaıraı túsken,
Taıaz oıly zerdesizdi elden bezgen.
* * *
Kóne qala Túrkistan qazaqtyń astanasy,
Bar qazaqtyń kıeli bas qalasy.
Uly handar zamanynan kúlli qazaq,
Táýip etken qasıetti baspanasy.
* * *
Tursyn han Tashkentti Orda etken,
Óz teńgesin shyǵaryp bólektengen.
Buqardyń ózbek hanyn jaqyn tartyp,
Óz ultynan ózi jerip elden bezgen.
Esim hanǵa alaýyzdyq unamaıdy,
Tursyn hannyń aldyna talaı bardy.
«Bólingendi qashan da bóri jeıdi,
Alaýyzdyqty Tursyn han qoısań - deıdi -
Adasqannyń arty quz, aldy tik jar,
Aqarys, Bekarys, Janarys bir týǵandar.
Ultymyzdyń ar - namysyn mazaq etpeı,
Sertteseıik, rıza bolsyn arýaqtar».
Aqsaqaldar, alqa bıler, has batyrlar,
Talaı serttiń kýási bolǵany bar.
Syrttan tıgen jaý bolsa kórip baǵar,
İshten shyqqan jaý jaman, ońbaǵandar.
Esim, Tursyn eki han qudaı qoldap,
Tatýlyqqa serttesedi semser ustap.
Birge joryq jolyna attanady,
Buqar hanyn qaýipti jaýǵa sanap.
Ándijan, Shahrýhıa qamaldarynyń sultandary,
Imamquly otyrǵyzǵan qazaq bári.
Alash qoly has dushpandy betke alǵanda,
Qamal kiltin óz jurtyna qýana tapsyrady.
Buqardyń qamaldary qulaıdy baǵy taıǵan,
Qaraly kún taıaıdy urpaǵyna Shaǵataıdyń.
Shıbandyqtar olardyń jolyn qushyp,
Jer betinen joıylýǵa az aq qalǵan.