InfoHub Logo

Balalarǵa arnalǵan "Jumbaqtar" jınaǵy

Jumbaqtar
Yzaqor buǵyp jatyr,
Saqaly shyǵyp jatyr.
(jýa)
***
Qalyń kıim unatady
Sheshindirseń jylatady.
(jýa)
***
Bul ne degen kóp kıim, jetpis qabat kóp kıim.
Jańbyr odan ótpeıdi, qabat - qabat tony bar, túımeleýge jetpeıdi.
(oramjapyraq)
***
Ústine tigip kók shatyr,
Astynda qyzyl dáý jatyr
(qyzylsha)
***
Syrty jasyl qatty
İshi qyzyl tátti.
(qarbyz)
***
Jerde jatyp jelindeıdi,
Kúz túskenshe jelinbeıdi.
(qaýyn)
***
Kók laǵym kógende jatyp semiredi.
(Qarbyz)
***
Jasyl ala dóńgelek,
Baqshada jatyr dóńgelep.
(qarbyz)
***
Ár jeliniń asty tolǵan kók qoıan,
Jaz bolǵanda kók qoıandy jep qoıam.
(qıar)
***
Butaǵynda azyǵy
Ortasynda azyǵy.
(alma)
***
Aq quman júr júzip.
Sý betin súzip.
(aqqý)
***
Bes qarýy belinde
Samǵap júredi kógimde.
(búrkit)
Bir - aq sóz biledi, Óz aty onysy.
Sony aıtyp júredi jáne joq qonysy.
(kókek)
***
Taldyń basynda, jemi bar qasynda,
Tam tur saıaly, dostary aıaly.
(qus uıasy)
***
Aǵaıyndy bári:
Shyqsa - kók, Tússe - sary.
(japyraqtar)
***
Shákirtke janashyr,
Meıirman kim, jany asyl.
(ustaz)
***
Qabat - qabat qattama,
Aqylyń bolsa attama.
(kitap)
***
Jip - jińishke denesi,
Ortasynda shegesi.
(qaryndash)
***
Jazý jazyp jalyqpaǵan,
Jaza - jaza aryqtaǵan.
(bor)
Bilimnen mol syı - asy,
Balǵyndardyń uıasy.
(mektep)
***
Qınalyp kóterip, Ózinen aýyrdy.
Jorǵalap ketedi, Júkshideı kádimgi.
(qumyrsqa)
***
Beıbitshilik qusy dep,
Ataıdy ony barsha jurt.
(kógershin)
***
Qysta kıimin tastaıdy,
Kóktemde kıine bastaıdy.
(aǵash)
***
Qoly bar, Saýsaǵy joq.
Moıny bar, Basy joq.
(kóılek)
***
Ushady qanatsyz,
Zyrlaıdy aıaqsyz.
(Zymyran)
***
Bettesken qos tabaq, Ortasynda bas tamaq.
Kıizben shoqqa orasa, Dám pisedi tamasha.
(taba nan)
***
Ústi tas, asty tas,
Ortasynda pisken as.
(nan)
Sary qozy, kók qozy,
Qaryndary toq qozy.
Kúzdigúni kóp qozy,
Qystygúni joq qozy.
(Qaýyn - qarbyz)

Temir aıaqty,
Aǵash taıaqty.
(Sırkúl men qaryndash)

Ot ishinde – úsh taıaq,
Úsheýi de kúshti aıaq.
Ortasynda ilgegi,
İlgeginde ilgeni.
(Mosy men sháýgim)

Tory taı,
Tabanynda tórt aı.
(Taǵa)

Qaýyn, qarbyz deı almaısyń,
Piskenmen, jeı almaısyń.
Jarǵanyńmen, qap - qatty,
Al asqanda, táp - tátti.
(Asqabaq)

Bir jylandy taıaqqa ilip aldym,
Erge qona, paıdasyn bilip aldym.
(Qamshy)

Biriniń izin biri basady,
Birine jetkizbeı, biri qashady.
(Dóńgelekter)

Taqıa, muryn, bir qulaǵy bar,
Samaýryn qasynda turaǵy bar.
(Shaınek)

Biri úı kúzetip qalsa da,
Biri júrer qaltada.
(Qulyp pen kilt)

Aspanǵa jaıyp qoıǵan
Aq maqtam ǵaıyp bolǵan.
(Aqsha bult)

Oq jylandy aspannan tónip kelgen,
Uzyn naızam jer qazbaı kómip bergen.
(Jaıtartqysh)

Tilden ushyp,
Qulaqqa qonady.
(Sóz)

Oıdyń aıaqtalýyn kútpeıdi,
Ony qoısań, sóılem bitpeıdi.
(Útir)

Syrǵaly qulaq bir,
Ún - túnsiz surap tur.
(Suraq belgi)

Qadaldy bir ıne
Núktedeı túımege.
(Lep belgisi)

Ashylyp, jabylady,
Ár úıden tabylady.
(Esik)

Qaýaqqa da uqsaǵan,
Almurtqa da uqsaǵan,
Aýzy bar, tili bar,
Biler kórip, ustaǵan.
(Qońyraý)

Bir tulpar sý ishpeıdi, jem jemeıdi,
Esirkep eshbir adam jemdemeıdi.
Júk emes janýarǵa júz adam da,
Doǵasyn symǵa súıkep, jol jóneıdi.
(Tramvaı)

Bir maqulyq jumysta sorlaıdy,
Mısyz dep ony jurt oılaıdy.
Saýmaıdy, soǵymǵa soımaıdy,
Biraq ta minýin qoımaıdy.
(Qol)

Egiz qaıyń,
Boı - bastary teń ósken.
İske daıyn,
Butaqtary bes - besten.
(Qol)

Alýan túrli iz salǵannyń ózi edi,
Ózinen de paıdalysy ózegi.
(Qaryndash)

Bir malǵa eki bala mingesedi,
Aılap - jyldap túspesten kún keshedi.
(Túıeniń órkeshi)

Bir qaltanyń ishinde birneshe shar,
Árbir shardyń ózindik uıasy bar.
(As burshaq)

Kóldeneń ilgen aq taıaq,
Tutanar otpen jaqpaı - aq.
(Kúndizgi sáýleli sham)

Muzdaı móldir jumyrtqa,
Jaryq berer ymyrtta.
(Elektr shamy)

Jumbaqtar jınaǵy. júkteý

Áriptik jumbaqtar. qaraý