InfoHub Logo

Tárbıe saǵat taqyryby: «Sen elimizdiń Ata Zańy – Konstıtýsıa týraly bilesiń be?»
Tárbıe saǵat maqsaty: Elimizdiń Ata zańy jóninde túsinikti tereńdetý.
Tárbıe saǵat mindetteri:
Bilimdilik: Oqýshylarǵa Konstıtýsıa uǵymy, taraýlary, qabyldanýy, qazirgi kezdegi qoldanysy jóninde túsindire otyryp, búgingi ómirmen baılanystyra bilim berý.
Damytýshylyq: Túrli suraqtar, sýretter arqyly balany oılanta otyryp, olardyń kózqarasyn tanytýǵa múmkindik jasaý, sóıleý mádenıetin jetildirý.
Tárbıelik: Ózindik kózqarasy bar ultjandy azamat tárbıeleý, oqýshylarǵa patrıottyq tárbıe berý.

Tárbıe saǵat túri: Baıqaý-sabaq
Kórnekilikter:
Memlekettik rámizder sýreti, gazet materıaldary

Tárbıe saǵat barysy
İ. Uıymdastyrý bólimi
Amandasý, oqýshylardyń sabaqqa qatysymyn tekserý.
İİ. Oı qozǵaý
Balalar, myna óleńdi muqıat tyńdap otyryp, onda ne týraly jyrlanǵanyn aıtyńyzdar.

Ata Zań
Ata Zańym,
Altyn Zańym – ardaǵym,
Aıalaǵan adamzattyń armanyn.
Jol bastaıdy bolashaqqa jasampaz,
Árbir babań, taraýlaryń, tarmaǵyń.
Altyn Zańda –
Parasatym, paıymym.
Altyn Zańda -
Kúsh – qýatym, jalynym.
Sen qorǵaısyń
Bostandyq pen quqyqty,
Anamdaısyń eljiregen jany kún.
(Balalardyń jaýaby tyńdalady)

İİİ. Kim biledi? 30 tamyz qandaı ataýly mereke? (Konstıtýsıa kúni)
1 qyrkúıektiń ereksheligi? (Bilim kúni)
Konstıtýsıa týraly ne bilesińder?

İV. Jańa sabaq: «Sanaǵa sapar»
Qazaqstan Respýblıkasynyń Konstıtýsıasy – Qazaqstannyń Ata (negizgi) zańy.
Konstıtýsıa 1995 jyly 30 tamyzda búkilhalyqtyq daýys berý arqyly qabyldandy. Qazaqstan halqy memlekettik bıliktiń qaınar kózi – óziniń egemendik quqyǵyn baıandy etti. Ata zań qabyldanǵan kún 30 tamyz – memlekettik mereke – QR Konstıtýsıasynyń kúni dep jarıalandy.
Bul jańa Konstıtýsıa Qazaqstannyń tórtinshi Ata zańy.
(1937, 1978, 1993, 1995)
Onyń qurylymy kirispeden, 9 bólimnen, 98 baptan, kóptegen tarmaqtar men tarmaqshalardan turady.
Konstıtýsıa – barlyq zań salalarynyń negizi, al onyń normalary – basqa zańdar úshin basty qaǵıda bolyp esepteledi.
Konstıtýsıa degenimiz – qoǵamdyq jáne memlekettik qurylys negizderin, memlekettik organdar júıesin, olardyń túzilý rettiligi men qyzmetin, azamattardyń quqyqtary men mindetterin aıqyndaıtyn memlekettik zań.

Konstıtýsıanyń birneshe baptaryn tanystyrý
1 – bap
Qazaqstan Respýblıkasy ózin demokratıalyq, zaıyrly, quqyqtyq jáne áleýmettik memleket retinde ornyqtyrady, onyń eń qymbat qazynasy – adam jáne adamnyń ómiri, quqyqtary men bostandyqtary.
7 – bap
Qazaqstan Respýblıkasyndaǵy memlekettik til – Qazaq tili.
27 – bap
1. Neke men otbasy, ana men áke jáne bala memlekettiń qorǵaýynda bolady.
2. Balalaryna qamqorlyq jasaý jáne olardy tárbıeleý – ata-ananyń etene quqyǵy ári mindeti.
3. Kámeletke tolǵan eńbekke qabiletti balalar jaramsyz ata-anasyna qamqorlyq jasaýǵa mindetti.
30-bap
1. azamattardyń memlekettik oqý oryndarynda tegin orta bilim alýyna kepildik beriledi. Orta bilim alý mindetti.

36 – bap
Qazaqstan Respýblıkasyn qorǵaý –
onyń árbir azamatynyń qasıetti paryzy jáne mindeti.

V. Sýrettermen jumys ( memlekettik rámizder týraly oqýshylar bilimin saralaý)
Vİ. Qorytyndylaý.
QR Konstıtýsıasynyń eń joǵarǵy zańdyq kúshi bar. Árbir azamat óziniń quqyqtary men bostandyqtaryn qorǵaý úshin konstıtýsıa, onyń normalaryn paıdalana alady. Sonymen, QR-nyń Konstıtýsıasy – eldiń basty saıası quqyqtyq qujaty. Zańǵa baǵyný – tártip, al tártip bar jerde tárbıe, tıanaqtylyq sıaqty adamǵa tán qasıetter bar. Sol qasıetter qoǵam damýyna negiz bolady. Óz Otanyn tanyp, súıýi, onyń zańdaryna baǵynýy – bul ár adamnyń azamattyq jaýapkershiligin sezinýi, óz eliniń aldyndaǵy azamattyq boryshyn oryndaýy.

Konstıtýsıa kúnine arnalǵan quttyqtaý sóz

30 tamyz Konstıtýsıa Kúni - tarıhy, mańyzdylyǵy

Konstıtýsıa Kúnine Arnalǵan Merekelik Senarı

Qazaqstan Respýblıkasynyń Konstıtýsıa kúnine arnalǵan baıandama