InfoHub Logo

1 qyrkúıek - Bilim kúnine arnalǵan saltanatty shara
Maqsaty:
1. búldirshinderge Bilim kúni merekesiniń mán - maǵynasyn uǵyndyrý;
2. sahnalyq mádenıetin qalyptastyrý;
3. merekelik kóńil - kúı syılaý.

İ.«Kóńildi balalar»bıi oryndalady.
İİ. Án «Kúmbirle, qońyraý»
Ortaǵa tárbıeshi men kishi toptyń búldirshini shyǵady.
Bala: Balabaqsha esigin
Úshke tola ashqanbyz.
Balapandaı mápelep,
Ósirdi bizdi baqshamyz.
Bul - ekinshi úıimiz,
Bir týǵanbyz bárimiz.
Biz osy úıdiń sánimiz,
Biz osy úıdiń gúlimiz.

Tárbıeshi: Qosh keldińizder, qurmetti ata - analar, balalar, barsha qonaqtar!
Búgin - 1 qyrkúıek - bilim kúni. Merekelerińiz qutty bolsyn!
Tárbıeshi: Bıikterge bastaıtyn asqaraly
Ár júrektiń súıikti, asqaq áni
Merekede bárimiz bir daýyspen
Shyrqaıyq baqshamyzdyń ánuranyn!
Balabaqsha ánurany
Tárbıeshi: Búgingi bilim kúni merekesimen quttyqtaý qurmeti «Aqbota» shaǵyn ortalyǵynyń ádiskeri _______________usynylady.
Quttyqtaý sóz
Tárbıeshi: Bilim bastaýy - balabaqshada. Endeshe búgingi merekede taǵy bir
ánimizdi balabaqshamyzǵa arnaıyq!
Án «Baqytty balamyz»
Jeke án «Men ádepti balamyn»
Tárbıeshi: Endi bizdiń balalardyń bilim alýdyń mańyzyna
baılanysty aıtarlaryn tyńdap kórińizder..
Bilim kerek bárine!
F. Ońǵarsynova
Korabldi basqaryp
Kók júzine samǵasam
Taýdy buzyp, tas jaryp

Muhıttardy jalǵasam
Tańdandyrar bar eldi
Ǵajap úıler sala alsam
Jasartatyn ájemdi
Dári de oılap taba alsam....
Syrlary kóp ǵylymnyń
Sheshilmegen áli de
Tereńdigi bilimniń
Kerek eken bárine!

Bilim
M. Ibraemova
Bilim - meniń erteńim
Ósý úshin órkenim
Júzem oqý - aıdynda
Jaıyp bilim jelkenin
Qıyndyqtan ótýge
Armandarǵa jetýge
Bilim alam erinbeı
Elime qyzmet etýge!

Án «Táı - táı»
Tárbıeshi: Jaraısyńdar. Ónerleriń órge júzsin! Búldirshinderimizdiń óner,
bilim úıretken, súıikti balabaqshaǵa arnaǵan kezekti bir
ánine kezek bereıik.
Án «Balabaqsham - baquıam»
Tárbıeshi: Jańa oqý jylyn qońyraýdyń syńǵyrymen bastaý - jyldar boıy jalǵasyn taýyp kele jatqan qalyptasqan dástúr. Endeshe bıylǵy 2013 - 2014 oqý jylynyń qońyraýyn qaǵýdy kishkentaı búldirshinimiz............... usynamyz!
Alǵashqy qońyraý soǵý saltanaty
Tárbıeshi: Shyryldaǵan tynym almaı
Qońyraýdyń úni qandaı!
Maqsatyna jete me adam
Oqý oqyp, bilim almaı?!

Ǵylymnyń kóp tas qamaly
Ǵalymdyq ta asqaraly
Bar bilimniń nur bastaýy -
Balabaqshadan bastalady!
Búgingi merekelik erteńgiligimiz osymen tamam. Den qoıyp tamashalaǵandaryńyz úshin kóp rahmet! Barshańyzdy balabaqshamyzdyń bilim baǵyna shaqyramyz!
Án «Kúmbirle qońyraý»