InfoHub Logo

Mektebiń mynaý, klassyń
Osynda on jyl turasyń.
Tarydaı bolyp kiresiń
Taýdaı bolyp shyǵasyń...

Soq, soq qońyraý
Syńǵyrlaıdy qońyraý
Syldyrlaıdy qońyraý
Syńǵyrlaıdy, syldyrlaıdy sońǵy qońyraý!
Gúlderge toly omyraý,
Ómirde joq qoı toqyraý.
Qımastyq sezim oıatyp,
Soǵylsyn sońǵy qońyraý.
Jyl on eki aı – úsh júz alpys,
Birde - biri jatsynbasyn eshkim de.
Úsh júz alpys kúnniń biri – bilgenge – Bilim kúni!
Seniń de oıyń ósti me?!

Sálem, saǵan mektebim,
Alǵystarym kóp meniń.
Oqý, bilim, tárbıe
Oı sanama ekkeniń.

Qýanysh búgin – mereke,
Shýaǵyn shashyp tur álem.
Mektepke kelgen alǵashqy,
Jan dosym, saǵan myń sálem.

Mektep – qamqor anamyz
Oqyp bilim alamyz,
Ónerpaz bop ósetin
Biz oqýshy bolamyz!
Ómirimniń kóktemin
Sende ótkizdim dep keldim,
Altyn uıa - mektebim!
Armandarym kóp meniń,
Atqaramyn dep keldim,
Asyl – annam mektebim

Bıyl men de mektepke
Birinshige baramyn.
Maqtanbaımyn men tekke,
Daıyn dápter, qalamym.

Mektepke endi baramyz,
Biz oqýshy bolamyz.
Jaqsy oqyp sabaqty,
Kileń bestik alamyz.

Ósti mine boıymyz,
Ósti mine oıymyz.
Qýanyshqa ortaqpyz,
Qutty bolsyn toıymyz.
Bilim kerek bárine

Bilim kerek bárine,
Balalardyń bárine.
Bilimi bolmasa eger de,
Joly bolmas ómirde.
Bilim kerek árqashan,
Ómir boı bárine.
Sondyqtan da balalar,
Bilim alaıyq bárimiz.
Sonyń úshin balalar,
Bilim kerek bárine.

Aınalaıyn balǵyndar,
Alǵa baǵyt alǵyndar
Erteń ósip tolyndar,
El maqtany bolyndar,
Oryndalsyn oılaryń,
Qutty bolsyn toılaryń

Mektepke alǵash barǵanda
Ustazdardy maqtaımyn,
Senimderin aqtaımyn.
Bizdikindeı mektepti
Álem sharlap tappaımyn.

Sálem berip óteıin,
Bıikterge jeteıin.
Aldyńyzda ózimdi
Tanystyryp keteıin.

Mektep, meniń mektebim,
Aqylsyzdan shettedim.
Bilimdimen dos bolyp,
Senen attap ótpedim.

Qarý - jaraq – sabaǵym,
Qalam - paraq – sadaǵym.
Jalqaý menen nadandy
Bilimmenen qadadym.

Taqpaǵymdy jattaımyn,
Sabaǵymdy baptaımyn.
Bizdikindeı mektepti
Eshbir jerden tappaımyn.

Tań qaldyryp álemdi,
Aıtaıyn men óleńdi.
Qabyl alǵyn, jamaǵat,
Qyzyń bergen sálemdi.

Kún kózimen talasqan,
Aı men kúnge jol ashqan.
Qazaq qyzy men bolam,
Bilimmenen sanasqan.

Esin dopqa jeńdirgen,
Bala emespin sen bilgen.
Altyǵa kep, alyp bop,
Birinshige keldim men.

Erkelik joq keshegi,
Oqýshymyn kósheli.
Bilim alyp boıymmen
Oıym da endi ósedi.

Saltanaty bek kerim,
Mine, synyp - mektebim.
Ustazdarym aıaly,
Dostarym da kóp meniń.

Men oqýshy balamyn –
Oqyp, bilim alamyn.
Mektep - uıam, ózińe
Arnalady bal ánim.

Birinshi qyrkúıek kúnimen.
Ańqyǵan jupar gúlimen
Kelip em, qarsy alar mektebim,
Súıkimdi qońyraý únimen.

Otannyń biz ul - qyzy
Halyqtyń biz juldyzy.
Oqımyz aqyn - jyrlaryn,
Oqımyz eńbek syrlaryn.
Qońyraý syńǵyrla, asyǵa
Ún qosqan qıadan asýǵa
Bilim al, eńbek et jas ulan
Órle sen bıik shyń basyna.
Qońyraý úni syńǵyrlap,
Estildi jyly janyma
Kúlkideı ásem syldyrlap
Bóbekti jıdy mańyna

Soǵylsyn qońyraý, soǵylsyn,
Syńǵyrla máńgilik syńǵyrla.
Tolqyǵan júrekter toǵysyn
Toltyryp bir arna, bir jyrǵa.
Shattyqtyń únindeı máńgilik
Soǵylsyn qońyraý, soǵylsyn,
Qýanysh ánindeı jańǵyryp
Júrekter aq nurǵa soǵylsyn.