InfoHub Logo

Mahambettiń Hıýa saparyndaǵy qıynshylyqtary
Negizgi bólim
Aıdarhanǵa kelgen Mahambet bir qazaqqa tórt kazak - orys jabylyp, uryp jatqanyn baıqaıdy. Bir ýaqytta iri deneli, boıshań kisi qazaqqa kómektesedi. Ol kisiniń esimi - Baba.
Mahambet Babanyń erjúrektigine tań qalyp, Babamen tanysady. Baba Mańǵystaý jerinde Aqtumsyq aýylynda týylǵan. Dolgııde balyq sharýashylyǵynda qyzmet atqarǵan. Mahambet Babaǵa qonaqjaılyǵyn kórsetip, syılaıdy. Sodan soń bir - birimen jyly qoshtasady. Ýaqyt óte kele Mahambet Hıýaǵa jol tartpaqshy boldy. Hıýaǵa eń tóte jol - Mańǵystaý bolatyn. Sol sebepti Mahambet Mańǵystaýǵa sapar shegedi. Ol Fort qalasyna, Súıinqara úıine keledi. Súıinqaraǵa óziniń ótinishin jetkizedi. «Súıinqara men Hıýaǵa jol tartyp kelemin. Qasyma shydamdy, qaısar jolaýshy kerek. Men Baba degen kisimen kezinde tanysyp edim, sol kisi taýyp berseńiz rıza bolar edim»- deıdi. Súıinqara Babany tanyp, tabady. Súıinqara El - jurtqa Mahambetti Besqaladan kelgen jıenim dep tanystyrady.
Súıinqara Mahambet pen Babaǵa jolǵa dep, at mingizedi. Olar Mańǵystaýdan ótip, Hıýaǵa jetedi.(Hıýaǵa ne úshin barǵany? Ol belgisiz. Sebebi eshqandaı málimet berilmegen. Ol tek Mahambettiń ózine ǵana málim) Qaıtarda qys mezgili túsip ketken edi. Jolda olar qasqyrdyń inin kórdi. Baba oılanbastan sheshine bastady. Buny kórgen Mahambet ázildep jatyr dep oılady. Biraq Baba qanjaryn alyp, inge kiredi. İnnen shaı qaınaıtyn ýaqytta, qara teri shyǵyp, qasqyrdyń terisinin alyp shyǵady. Qasqyrdyń terisin Mahambetke syılaıdy. Mahambet tańyrqap, ári Babanyń batyldyǵyna rıza bolady. Eline qaıtqan soń Babanyń erligin Úbi Úseulyna aıtady. Úbi Úseuly Murat Móńkeulyna aıtady. Sodan soń el aýzyna tarap ketedi. Bul oqıǵany bizge jetkizgen ǵylymı joba jetekshisi Dúsenbaeva Janbıbi apaıymyz. Osy oqıǵany estip Babanyń erjúrektigine tańyrqaı qarap, úlgi aldym.
Oryndaǵan: Chımbergen Gúlnaz