InfoHub Logo

Burynǵy Atbasar ýezi terıtorıasynda Qarsaqbaı aımaǵyndaǵy qalyń Naıman ishinde Qoqan áýletinde Qudaımende deıtin ǵanı adam bolypty. Mol dáýletke mastanyp, dandaısyǵan ol aýzyna kelgenin aıtyp, lepirip soǵa beredi eken. Onyń beıpil aýyzdyǵy óz eline ǵana emes, syrtqy elderge de áshkere bolypty.

Sol Qudaımende baı, úıine kelgen meımandarmen áńgimelesip otyrǵanda, kenet toqalyn shaqyryp alady eken. Oǵan ózi otyrǵan tósegin durystap salǵyzyp, shymyldyqty túsirtedi eken. Betteri tasalaǵannan keıin, toqalymen sharıǵatqa kelip, sol jerde ǵusyl quıynyp, kıinedi eken de, meımandarymen burynǵysynsha áńgimelesip otyra beredi eken.

— Baıeke-aý, munyńyz qalaı, meımandaryńyzdan uıat emes pe? — degenderge:

— Men basqa áıelge jaqyndasyp, kúnáǵa batqanym joq, toqalym nekelim ǵoı, qaı mezgilde shaǵylyssaq ta erik ózimizde, — deıdi eken uıatsyz, arsyz, dandaısyǵan baı.

 

---