InfoHub Logo

Burynǵy Atbasar ýezi terıtorıasynda Qarsaqbaı aımaǵyndaǵy qalyń Naıman ishinde Qoqan áýletinde Qudaımende deıtin ǵanı adam bolypty. Mol dáýletke mastanyp, dandaısyǵan ol aýzyna kelgenin aıtyp, lepirip soǵa beredi eken. Onyń beıpil aýyzdyǵy óz eline ǵana emes, syrtqy elderge de áshkere bolypty. Birde, keshki mezgilde Qudaımende óz aýylynyń syrtynda turady. At-turmany, kıimi kórkem tórt-bes beıtanys adam kelip, baıǵa sálemdesedi, qonýǵa ruqsat suraıdy.

— Kún kesheıdi, qonǵylaryń kelse, qonyńdar. Jeıtin boǵyń, ishetin sidigiń daıar, — deıdi beıpil aýyz baı.

Bular Qudaımendiniń kim ekenin bilmeıtin, onyń ádepsiz sózin estimegen jolaýshylar ǵoı, munyń aram tamaǵyn iship- jeı almaspyz deıdi de jónine júre bastaıdy.

— Eı, meımandar! — deıdi Qudaımende olardy toqtatyp, — Búgin, erteń, odan arǵy kúni qonyp, tústenetin úılerińniń qazany, aıaq-tabaǵy qurysyn, baryńdar, — dep qolyn bir-aq sermeıdi.

---