InfoHub Logo

Atbasardyń shyǵys jaǵyndaǵy Qozǵan elinde Berdibaı deıtin kúldirgi sózge sheber, ótirikti shyndaı, aqsaqty tyńdaı aıta biletin jigit bolypty.

Jyl saıyn shilde aıynda Atbasar qalasynda úlken jármeńke ótkiziletin. Sol dýmandy kórip, úı ishine Berdibaı atyna minedi de, qalaǵa jol tartady. Qala onyń aýylynan on bes shaqyrymdaı jerde. Jolshybaı Sarytaý dep atalatyn beles bar. Oǵan shyqqanda qala ıek astyndaǵydaı kórinedi.

Sol jerde az ǵana tynyǵý úshin atyn tusap otqa jiberedi de, ózi jaıǵasyp otyra qalady. Jármeńkeden qandaı zattar alatynyn oısha boljap, qaltasyndaǵy aqshasyn ashyp, sanaı bastaıdy. Sol kezde batys jaqtan úlken quıyn soǵyp, Ber dibaıdyń qaǵaz aqshalaryn ushyryp áketedi. Uıytqyǵan quıyndy aınaldyra qýyp, biraz aqshasyn qolyna túsirip alady, bir bes teńge úshtigúıli joq bolyp ketedi.

Kelesi jyly dál sol ýaqytta Berdibaı jármeńkege taǵy da attanady. Bul jolynda kórgen tamashasyn ol ózi bylaı baıandaıdy:

— Sarytaý belesine shyǵa keldim. Atbasar aldymda jaıýly dastarhandaı kórindi. Kenet qarsy aldymnan mańdaıyma birdeme sap ete tústi. Alaqanymmen basyp qaldym. Qarasam ózimniń byltyrǵy bes teńgem eken.

Sodan keıin osy oqıǵa Qozǵan, Qaqsal elderinde «Berdibaı-
dyń bes teńgesi» dep atalady.

 

---