Tóbeńnen jaı túskeli tur
Kenjebaıuly Tólebaı — uzyn aqqan Esildiń búgilisindegi Qaraýyl, Taraqty, Baǵanaly elderinde qadirli adam, qurmetti aqsaqal. Sol Tókeńniń jalǵyz balasy Ábdilda Atbasar jármeńkesi kezinde jaı túsip, mezgilsiz qazaǵa ushyraıdy.
El jaqsylary Ábdildanyń denesin aýylyna aparyp, Tókeńniń qaıǵysyna ortaqtasýǵa attanady. Bul top orta joldan asa bergen kezde, Tókeńniń teteles zamandastarynyń biri Bektas toptan ozyp, aýylǵa barady. Ol — belgili ábiger, istiń aldy-artyn boljamaı, oıyna ne kelse sony isteıtin urda-jyq adam. Sol minezine sáıkes jurt ony «Aıǵyrbaı» dep ataıtyndy. Sol ojarlyǵyn osy jolynda da kórsetti ol.
Aýyldaǵylar onyń jamanat aıtqaly kele jatqanyn beı-bereket júrisinen sezgendeı boldy. Ásirese baısaldy qart Tókeń erekshe seziktene qaldy. Bektas súrine-qabyna úıge kirip, tórge otyrar-otyrmastan:
— Ýa, Tólebaı, tóbeńnen jaı túskeli tur! — dep ózi seziktenip otyrǵan qart atanyń júregin odan ári tebirentti. Mez- gilsiz kezdesken aýyr qazany «Aıǵyrbaı» aqsaqal osylaı estirtti.
You Might Also Like
-
Orta jastan asyp, saqal-shashy býryl tartqan Serdaly lepire sóılep, úı toly adamdy uıytyp otyr. Sol maqtan sózderiniń ishinde: «Bektibaı shyńyn da kórgenmin!» dep daýysyn kóterip, qoqılanyp...
-
Burynǵy Atbasar ýezi terıtorıasynda Qarsaqbaı aımaǵyndaǵy qalyń Naıman ishinde Qoqan áýletinde Qudaımende deıtin ǵanı adam bolypty. Mol dáýletke mastanyp, dandaısyǵan ol aýzyna kelgenin aıtyp, lepi...
