InfoHub Logo

Qaraǵandy oblysynyń Ahmet aýylynda Sáken Seıfýllın atyndaǵy mekteptiń 100 jyldyq mereıtoıy toılanǵaly jatyr, dep habarlady www.24.kz. 

Aıtýly mereke qarsańynda bilim oshaǵynyń janyndaǵy qoǵamdyq murajaı qundy jádigerlermen tolyqty. Mereıli mekteptiń negizin 1916 jyly Nura aýdanynda Sáken Seıfýllın qalaǵan eken. Bir ǵasyrlyq tarıhy bar bilim oshaǵy talaı márte qaıta quryldy, ornyn da aýystyrdy. Soǵan qaramastan mektep murajaıy ultymyzdyń uly perzenti, halyqshyl qalamgerdiń ómirinen syr shertetin talaı qundy derekti kózdiń qarashyǵyndaı saqtap keledi. Qazir munda 450-ge jýyq jádiger bar. Kóne sýretter, turmystyq buıymdar men qazaq ádebıetiniń ósip-órkendeýine negiz bolǵan túpnusqalardy kezdestirýge bolady. Búginde mektepte 200-den astam bala bilim alady. Olar Sáken oqýlaryna, ǵylymı jobalar men zertteý jumystaryna belsene qatysyp júr.

 «Bizdiń oqýshylar kezinde osy mektepte oqyǵandar jaıynda málimetter izdep tabýǵa tyrysty. Jazbalarǵa súıensek, 40 oqýshy bolǵan eken. Biz olardyń 20-synyń tizimin jasadyq. Sáken Seıfýllınnen bilim alǵandardyń urpaqtary bar. Olar úshin bul úlken maqtanysh. Aqynnyń rýhyna degen qurmet», - deıdi S.Seıfýllın atyndaǵy mekteptiń dırektory  Atymtaı Balabıev. 

---