Táńirini izdep bir muńǵyl...
Táńirini izdep bir muńǵyl
Tas sýretke shoqynsa,
Ólse de, bolyp soǵan qul,
Imanyn buzbaı otyrsa.

Ataq, paıda izdemeı,
Oıynda maqtan joq bolsa,
Qıanatty kózdemeı,
Qanaǵatqa toq bolsa.

Moldeke, oǵan tańdanba,
Sol kiredi beıiske,
Eki júzdi sandalma
Sen qalasyń keıiste.

Qudaıyń men dúnıege
Kezekpe-kezek shoqynsań,
Inedeı paıda tıe me
Meshitte myń jyl otyrsań?

Kimde bolsa shyn minez,
Bolmas onda eki sóz,
Óltirse de kózbe-kóz,
Imanyn satyp, almas bóz.

Iman da sol, din de sol –
Adaspaıtyn aıqyn jol,
Kúnde, meıliń, yza bol,
Beıiske anyq kiredi ol.

Mysal emes yndynym,
Álgi muńǵyl – áýlıe,
Imanyn satqan jyndynyń
Izdegeni – dúnıe.


You Might Also Like

Jańalyqtar

Jarnama