InfoHub Logo

Joǵarǵy oqý ornyn aıaqtaǵannan soń, bilimimdi odan ári shyńdaı túsý maqsatynda, joǵarǵy oqý ornynan keıingi bilim alý, ıaǵnı magıstratýra bilim berý baǵdarlamasy boıynsha oqýdy jalǵastyrýǵa sheshim qabyldadym. Magıstratýraǵa túsýshilerge arnalǵan keshendi testileý tapsyryp, joǵary bal jınadym. Grant nátıjesi shyqqan soń, elimizdegi JOO  tanysyp qarap shyqtym. Sońǵy tańdaýym  ál-Farabı atyndaǵy QAZUÝ boldy. Sebebi JOO-nyń elimzdegi, álemdegi ýnıversıtetter arasyndaǵy reıtingisi, bilim alýshylarǵa jasalǵan múmkinshilikteri óte kóp boldy. Tarıh mamandyǵy boıynsha bilimimdi shyńdaıtyn bolǵan soń, ýnıversıtettiń tarıh fakúltetin tańdadym. Tarıh fakúlteti 70 jyldan kóp ýaqyttan beri,  tarıh salasyndaǵy mamandardy bilim nárimen sýsyndatyp keledi. Qazirgi tańda úsh kafedra: Qazaqstan tarıhy, arheologıa, etnologıa jáne mýzeologıa, dúnıejúzi tarıhy, tarıhnama jáne derektaný kafedralary jumys isteıdi. Kafedralarda 125-ke jýyq profesor-oqytýshylar quramy 800-ge jýyq stýdent, magıstranttar jáne doktoranttarǵa zamanaýı talaptarǵa saı bilim berý baǵdarlamalary boıyn sha bilim berýde. Tarıh fakúlteti sheteldik joǵary oqý oryndarymen bilim almasýǵa múmkindik beredi, qazirgi tańda 20-dan asa iri halyqaralyq joǵary oqý oryndarymen, ǵylymı ortalyqtarymen yntymaqtastyq qarym- qatynastar ornatylǵan.  Fakúltette T.O. Omarbekovtiń, Q.T. Jumaǵulovtyń, B.B. Karıbaevtyń, V. Zaıberttiń, Q.S. Qarajannyń, J.Q. Taımaǵambetovtiń, Q.M. Atabaevtyń, Ý.H. Shálekenovtiń, Á.T. Tóleýbaevtyń ǵylymı mektepteri qalyptasyp, jumys isteýde. (fakúltet týraly aqparat https://www.kaznu.kz/kz/354 saıttynan alyndy )

Sapaly bilim alyp, mansap jolyn tabysty quryp, jarqyn bolashaqty qalasań QazUÝ- dyń tarıh fakúltetin tańda! 

ál-Farabı atyndaǵy QazUÝ-niń tarıh mamandyǵynyń 2 kýrs magıstranty Jańabaeva Aıdana Jalǵasqyzy

---