اقتوبە وبلىسىندا مەكتەپ وقۋشىلارىنا قىمبات سمارتفون قولدانۋعا تىيىم سالىندى
اقتوبە وبلىسىنىڭ ءبىلىم بەرۋ باسقارماسى باعاسى 10 000 تەڭگەدەن اساتىن گادجەتتەردى قولدانۋعا تىيىم سالدى، دەپ حابارلايدى mgorod.kz.
شەنەۋنىكتەردىڭ ايتۋىنشا، جاڭا ءتارتىپتى پەداگوگتار، اتا-انالار جانە وقۋشىلاردىڭ وزدەرى ماقۇلداعان. بۇل باستاما ەڭ الدىمەن وقۋشىلاردىڭ دەنساۋلىعى مەن قاۋىپسىزدىگىنە باعىتتالعان.
ستاتيستيكالىق مالىمەتتەرگە سۇيەنسەك، باستاۋىش سىنىپ وقۋشىلارىنىڭ 5-7% الىستان ناشار كورەدى، ال 10-11 سىنىپتا بۇل كورسەتكىش 20% دەيىن جەتەدى. ءبىلىم بەرۋ ماماندارى مۇنىڭ سەبەبى سمارتفون قولدانعاننان دەگەن تۇجىرىم جاساپ وتىر. سمارتفوندارعا تىيىم سالۋدى باسقارماداعىلار وقۋشىلاردىڭ قىمبات بۇيىمدارىنىڭ ۇرلانۋىمەن دە بايلانىستى.
«مەكتەپ قابىرعاسىندا سمارتفوندارعا تىيىم سالۋدان بالا مەن اتا-انانىڭ بايلانىسى ءۇزىلىپ قالاتىنىن بىلەمىز. سوندىقتان، مەكتەپتىڭ ىشكى تارتىبىنە قۇنى 4 اەك-تەن اسپايتىن ارزان تەلەفون الىپ كىرۋگە رۇقسات بەرۋ جونىندە وزگەرىستەر ەنگىزىلدى»، - دەدى اقتوبە وبلىسى ءبىلىم بەرۋ باسقارماسىنىڭ باسشىسى ساۋلە ومىربەكوۆا.
سايكەسىنشە، ەندى وقۋشىلار قۇنى 10 000 تەڭگەدەن اسپايتىن تەلەفوندار اكەلە الادى. سونىمەن قاتار، ءبىلىم بەرۋ باسقارماسى ەشكىم وقۋشىلاردىڭ قالتاسى مەن پورتفەلىنە ءتىنتۋ جاسامايتىنىن باسا ايتتى. سمارتفونمەن كوزگە تۇسكەن بالاعا ەسكەرتۋ جاسالادى جانە اتا-اناسى شاقىرتىلادى. اتا-انالاردىڭ ءوزى سمارتفونعا تىيىم سالۋ تۋرالى جاڭالىقتى بىردەن قابىلداي قويمادى.
You Might Also Like
-
تاريح بىزگە كوپتەگەن جۇمباق دۇنيەنى قالدىرىپ كەتتى، دەگەنمەن قازىرگى زاماناۋي تەحنولوگيالار مەن ءبىلىم دەڭگەيىنىڭ ارقاسىندا كوبىنىڭ جاۋابى تابىلىپ، تۇسىنىك بەرىلدى. ءبىراق جاۋابى تابىلماعان ارتەفاكتا...
-
شىمكەنت اگرارلىق كوللەدجىنىڭ تە9-131 توبىنىڭ ستۋدەنتى: ايتجانوۆا ايدانا جەتەكشىسى: سەرىكبايەۆا جازيرا
