InfoHub Logo

تۇلعالىق قاسيەت بارشە ادامزات بالاسىنا دارىعان اسا ماڭىزدى تابيعي جاراتىلىس. ءار ادام ناعىز ادامگەرشىلىگى مول تۇلعالىق قاسيەتتەرىن وزىنە ءوزى ينۆەستيسيا قۇيعانداي، بويىنا دارىتادى.

قازىرگى زاماندا بىزگە، ياعني جاستارعا كوپتەگەن جاڭاشىل يدەيالىق ماقساتتا مۇمكىندىكتەر بەرىلۋدە. جانە سول مۇمكىندىكتى جىبەرمەي، الدىعا قاراي دارا جولىمىزدى اسقاقتاتۋ ءوز قولىمىزدا. قازىرگى ءبىزدىڭ قوعامدا «ءار كۇنىڭ ساعان بەرىلگەن مۇمكىنىك، جانە ونىڭ قالاي ءوتۋى دە وزىڭە بايلانىستى» دەگەن سوزدەردى ايتىپ جاتادى. ماعان جالپى وسىنداي موتيۆاسيالىق اڭگىمەلەر، ۆيدەولار قاراعان ۇنايدى. ويتكەنى، ولار ماعان ءارقاشان جۇمىس ىستەۋگە، بولاشاعىمنىڭ جارقىن ەكەنىن سەزىنۋگە ۇلكەن قۇلشىنىس اكەلەدى. ءبىز جاستارمىز عوي. بىزگە كورۋ كەرەك، ءبىلۋ كەرەك، قاتەلەسە دە ءبىلۋ كەرەك، بۇل ەشقانداي دا قىلمىس ەمەس دەگىم كەلەدى.

مىنە، ءبىز ءوزىمىزدىڭ دامۋىمىزعا ۇلگى الارلىقتاي ۇلەس قوسساق، بولاشاقتا دارا دا، دانا  دا بولاتىنىمىز بارىمىزگە ايان. ءوزىم ءارقاشان قوعامدا ەرەكشەلەنىپ، دارا تۇلعا بولۋدى قولدايمىن جانە ءوزىم دە سوعان قاراي تىرىسامىن. بۇل ماعان ءوزىمدى ورتادا ەركىن سەزىنۋىمە ۇلكەن سەپتىگىن بەرەدى. جالپى بارلىق ادام وسىعان ۇمتىلاتىنى بارىمىزگە انىق قوي؟!

ەندى مەن وسى جولدا ءوز ويىمدى ايتا كەتسەم، مەن ءارقاشان ۇزدىكسىز دامۋعا، كوپ وقۋعا بارىمدى سالىپ تىرىسامىن. بۇلار جاڭا ايتقانىمداي ءوزىمدى دارالاۋعا مۇمكىندىك بەرەدى. جانە ول دارا جولدا ءوزىڭنىڭ ەرەكشەلىگىڭدى باستى ورىنعا قويا الۋ دا سەنىڭ ەرەكشەلىگىڭدى بىلدىرەدى.

وسى جولدا ارينە ايانباي تەر توگەتىنىم، ونى قانشالىقتى ءجۇز پايىزعا دۇرىس قابىلداي الاتىنىم دا وزىمە قىزىق! ءوزىمنىڭ قولتاڭبامنىڭ باستى ەرەكشەلىگى بولاتىن – ەشكىمدە جوق، قايتالانباس شىعارماشىلىق جولىم. بولاشاقتا ءدال وسى ماماندىق مەنى ورگە دە جەتكىزەتىن شىعار، نەمەسە باسقا ماماندىق شىعار. ءبىر اللاعا تاپسىرامىن، الايدا سول ماقساتتا ۇلكەن كۇش ارتامىن. ويتكەنى مەنىڭ ارتىمدا وتباسىم بار، ەلىم-جۇرتىم بار ماقتاناتىن. ولاردىڭ سەنەمىن اقتايمىن. ءسوز بەرەمىن!

---