دوس - اجارىڭ، جولداس - بازارىڭ
راسىمەندە دانا حالقىمىز بۇل دوستىق دەپ اتالاتىن اسىل قاسيەتتىڭ ءقادىرىن ەرتەدەن-اق بىلگەن.
دوس- كوڭىلدىڭ اجارى. ءاربىر ادام دوسقا مۇقتاج. دوس- اقىلشىڭ، قيىن كەزدە قول ۇشىن بەرىپ، جاردەمتەسەتىن قولداۋشىڭ.
دوسى كوپتى جاۋ المايدى، اقىلى كوپتى داۋ المايدى - دەپ بەكەر ايتپاسا كەرەك.
قازىرگى تاڭدا شىنايى دوس تابۋ وتە قيىن. بەتىڭە كۇلىپ قاراپ، ارتىڭنان نەشە ءتۇرلى جاعىمسىز ىستەر تىندىراتىن "ەكىجۇزدى" ادامدار وتە كوپ. ونداي ادامداردان قالاي ساقتانۋ كەرەك؟ شىنايى دوستى قالاي بىلەمىز؟ شىنايى دوستىڭ قانداي قاسيەتتەرى بولادى؟ - دەيتىن سەكىلدى سۇراقتار ءاربىر ادامدى ىشتەي مازالايتىنى بارىمىزگە ءمالىم.
ەندەشە وسى سۇراقتىڭ جاۋابىن ىزدەيىك. شىنايى دوس تابۋ ءۇشىن، ەڭ الدىمەن ادام ءوزى شىنايى بولۋ كەرەك. دوسىڭىزدىڭ بويىندا بولۋ كەرەك قاسيەتتەر سىزدە دە بولۋى شارت. سەبەبى دوس- ادامنىڭ ايناسى. ادامعا ءوزى سەكىلدى جاندار كەزدەسەدى. سوندىقتان ورتامىزدى جاقسى، ىزگى ادامدارمەن تولتىرعىمىز كەلسە، ەڭ الدىمەن وزىمىزدەن باستاۋىمىز كەرەك.
ەندى يسلامداعى دوستىق پەن باۋىرماشىلىققا كەزەك بەرەيىك.
يسلامدا مۇسىلماندار ءبىر-بىرىنىڭ جانە بارلىق ادامداردىڭ قۇقىقتارىنا قۇرمەت كورسەتەدى. باۋىرماشىلىق سەزىممەن ءبىر-بىرىنىڭ قيىندىعىنا ورتاقتاسىپ، اۋىرتپالىقتارىن ءبولىسىپ كوتەرۋ، جاردەمدەسۋدى وزدەرىنە بورىش دەپ بىلەدى. وزدەرىنە ءبىر جاماندىق جاسالسا ونى كەشىرىپ، تەز ۇمىتىپ كەتەدى. كەك ساقتاۋدى ءجون كورمەيدى. مۇسىلماندار سونىمەن قاتار ءارقاشان سىپايى قارىم- قاتىناستا بولادى. ادامدارعا جولىققاندا سالەم بەرىپ جۇرەدى. ءاردايىم جاقسى ءسوز ايتادى. اينالاسىنداعىلارعا جاقسى جاعىنان اسەر ەتۋگە تالپىنىسپەن ءومىر سۇرەدى. دوستىققا جانە باۋىرمالدىققا ماڭىز بەرەدى. دوستىعىنا بەرىك بولادى. ەشكىمدى الدامايدى. بەرگەن ۋادەسىندە تۇرادى، ەكى سويلەپ، سوزىنەن تايمايدى.
مىنە ءدال وسى قاسيەتتەردىڭ بارلىعى دا ءاربىر مۇسىلماننىڭ بويىندا بولۋى شارت. اسىل دىنىمىزدە دوستىق باۋىرماشىلىقتىڭ قانداي بولاتىنىن جوعارىدا اتاپ، كورسەتىپ كەتتىك.
پايعامبارىمىز (س.ا.ۋ) بىلاي دەپ بۇيىرادى:
"مۇسىلمان - مۇسىلماننىڭ باۋىرى. وعان زۇلىمدىق جاسامايدى، ونى قاتەرگە تاستاپ كەتپەيدى" (مۋسليم،بيرر،58)
جاقسىمەن جولداس بولساڭ – جەتەرسىڭ مۇراتقا.
جامانمەن جولداس بولساڭ - قالارسىڭ ۇياتقا - دەمەكشى، دوستىعىمىزعا ادال بولايىق. ادامزاتقا ءتان وسى اسىل قاسيەتىمىزدەن ايىرىلىپ قالمايىق!
You Might Also Like
-
ۇستازدىق قىلعان جالىقپاس، ۇيرەتۋدەن بالاعا" دەمەكشى، ۇلاعاتتى مۇعالىمدەردىڭ مەرەيى ارتىپ وتىر. ءبىلىم ءنارىن نۇرلاندىرۋشى ۇستازدار بولماسا، ساۋاتسىز ادامداردىڭ بولارى حاق.
