InfoHub Logo

قازاق ءتىلى ءپانى بويىنشا جىلدىق كۇنتىزبەلىك جوسپار، 8 سىنىپ
كۇندەلىكتى ساباق جوسپارى، قازاق ءتىلى 8 سىنىپ.
تاقىرىپتار:
31. ديكتانت
32. ىڭعايلاس سالالاس
33. سەبەپ - سالدار سالالاس
34. قارسىلىقتى سالالاس
35. تۇسىندىرمەلى سالالاس

ساباقتىڭ تاقىرىبى: ديكتانت
ساباقتىڭ ماقساتى:
ا) بالالاردىڭ ەستە ساقتاۋ قابىلەتىن دامىتۋ، ءوز ويىن ەركىن جەتكىزە بىلۋگە، ساۋاتتى جازۋعا داعدىلاندىرۋ.
ءا) مۇقيات تىڭداپ، ۇقىپتى جازا بىلۋگە ۇيرەتۋ.
ب) ءوز ىسىنە ۇقىپتى، مەيىرىمدى، كەشىرىمشىل بولۋعا تاربيەلەۋ.
ساباقتىڭ ءتۇرى: قايتالاۋ
ساباقتىڭ ءادىسى: بايانداۋ
ساباقتىڭ كورنەكىلىگى: ديكتانتتار جيناعى

ساباقتىڭ بارىسى:
ا) ۇيىمداستىرۋ كەزەڭى:
وقۋشىلارمەن امانداسۋ، تۇگەلدەۋ، وقۋشىلاردىڭ زەيىنىن اۋدارۋ.
تاقتاعا بۇگىنگى كۇن مەن ديكتانتتىڭ تاقىرىبىن جازىپ قويامىن.
ءا) جاڭا ساباقتى ءتۇسىندىرۋ؛
ءماتىندى مانەرلەپ وقىپ بەرەمىن.

قازاقتىڭ ۇلتتىق تاعامدارى.
سوك. قۋىرعان تارىنى قازاق سوك دەپ اتايدى. ول ءۇشىن تارى جەل وتىنە سۋىرىلىپ، ەكشەلەنەدى، تازالانادى. بىرنەشە رەت تازا سۋعا جۋىلادى. دەگدىگەنشە ونى ازداپ كەپتىرەدى دە، قازانعا سۋ قۇيىپ، تارىنى سوعان سالىپ، قايناتادى. قازانداعى تارى قاۋىزى اشىلا باستاعاندا، ءسۇزىپ الادى. سودان سوڭ تازا سۋمەن بىرنەشە قايتارا جۋىپ، دەگدۋى ءۇشىن، جايىپ قويادى.
دەگدىگەن سوڭ، قىزعان قازانعا سالىپ، قۋىرادى. قۋىرعان كەزدە بۇلعاۋىشپەن ۇزدىكسىز بۇلعاپ وتىرۋ كەرەك. ايتپەسە، تارىنىڭ استىڭعى بەتى قۋىرىلىپ، ءۇستى قۋىرىلماي قالادى. ال الا - قۇلا قۋىرىلعان تارىنىن اقتاعان كەزدە، قاۋىزىنان اجىراتۋ قيىن. ءارى مۇنداي تارىنىڭ سوگى دە الا بولادى.
قۋىرعان تارى تىم سۋىپ كەتسە، جاسىپ قالادى. سوندىقتان ونى كوپ سۋىتپاي، كەلىگە ءتۇيىپ الۋ كەرەك. تارى تۇيەتىن كەلىنىڭ دە، كەلساپتىڭ دا قاتتى اعاشتان جاسالعانى دۇرىس.
تۇيىلگەن تارىنى تاباققا سالىپ الىپ، سۋىرادى. ءسويتىپ، قاۋىزىنان ايىرادى. ءبىر تۇيگەننەن تارى قاۋىزىنان تۇگەل ايىرىلمايتىندىقتان، ونى ەكىنشى رەت تۇيەدى. مۇنى اقتاۋ دەپ اتايدى. اقتالعان تارىنى تاعى دا جەلپىپ سۋىرادى. سونىمەن سوك دايىن بولادى. سوكتىڭ ءتۇسى سارعىش، حوش ءيىستى اسا ءدامدى كەلەدى.
سوك كوبىنەسە شاي داستارحانىنا قويىلادى. سونداي - اق تاعى دا باسقا نەشە ءتۇرلى تاعامدار دايىنداۋعا بولادى.
(«قازاق كۇنتىزبەسى»، 1991.) (154 ءسوز)
ءماتىندى تاعى دا ءبىر رەت وقىپ بەرەمىن، وقۋشىلار تىنىس بەلگىلەرىن قويادى.
ۇيگە تاپسىرما: قايتالاپ كەلۋ.



تولىق نۇسقاسىن قاراۋ