InfoHub Logo

قازاق ءتىلى ءپانى بويىنشا جىلدىق كۇنتىزبەلىك جوسپار، 8 سىنىپ
كۇندەلىكتى ساباق جوسپارى، قازاق ءتىلى 8 سىنىپ.
تاقىرىپتار:
41. قارسىلىقتى باعىنىڭقى ساباقتاس
42. مەزگىل باعىنىڭقى ساباقتاس
43. سەبەپ باعىنىڭقى ساباقتاس
44. قيمىل - سىن باعىنىڭقى ساباقتاس
45. ماقسات باعىنىڭقى ساباقتاس

ساباقتىڭ تاقىرىبى: قارسىلىقتى باعىنىڭقى ساباقتاس
ساباقتىڭ ماقساتى: ا) بىلىمدىلىك: قارسىلىقتى باعىنىڭقى ساباقتاس سويلەمدەردەن العان تەوريالىق بىلىمدەرىن پراكتيكادا قولدانۋ؛ اۋىزشا، جازباشا تالداۋ جۇمىستارىن جۇرگىزە وتىرىپ، بىلىمدەرىن بەكىتۋ.
ءا) دامىتۋشىلىق: ويلاۋ قابىلەتتەرىن، قيالدارىن دامىتۋ؛ وي قورىتىپ، ناقتى شەشىم جاساۋعا ۇيرەتىپ، وزدەرىنە سەنىمدەرىن ارتتىرۋ.
ب) تاربيەلىك: ساۋاتتى جازۋعا، ۇقىپتىلىققا باۋلۋ؛ توپپەن جۇمىس جاساپ، ءبىر - ءبىرىن تىڭداي بىلۋگە ۇيرەتۋ؛ سويلەۋ مادەنيەتتەرىن قالىپتاستىرۋ.
ساباقتىڭ ءتۇرى: ارالاس ساباق
ساباقتىڭ ءادىسى: سۇراق - جاۋاپ، ىزدەندىرۋ، شىعارماشىلىقپەن جۇمىس
ساباقتىڭ كورنەكىلىگى: تىرەك سىزبالار، كەسپە قاعازدار، قوسىمشا ماتەريالدار.
ءپانارالىق بايلانىس: ادەبيەت، ورىس ءتىلى

ساباقتىڭ بارىسى:
ا) ۇيىمداستىرۋ كەزەڭى:
وقۋشىلارمەن امانداسۋ، تۇگەلدەۋ، وقۋ قۇرالدارىن تەكسەرۋ. سىنىپتىڭ تازالىعىنا كوڭىل ءبولۋ. وقۋشىلاردىڭ زەيىنىن ساباققا اۋدارۋ.

ءا) ءۇي تاپسىرماسىن پىسىقتاۋ:
ۇيگە بەرىلگەن تاپسىرمانى سۇرايمىن. وقۋشىلارعا بىرنەشە سۇراقتار قويامىن

ب) جاڭا ساباقتى ءتۇسىندىرۋ:
باسىڭقىداعى ىسكە باعىنىڭقىدا ايتىلعان ءىس نەمەسە باعىنىڭقىداعى ىسكە باسىڭقىداعى ءىس قارسى قويىلا ايتىلعان ساباقتاستى قارسىلىقتى باعىنىڭقى ساباقتاس دەيمىز.
قارسىلىقتى باعىنىڭقىلار قايتسە دە؟ نە ەتسە دە؟ قايتكەنمەن؟ نە ەتكەنمەن؟ دەگەن سۇراقتارعا جاۋاپ بەرەدى.
- سا دا، - سە دە. مىسالى: قىس كەلسە دە، قار جاۋمادى).
- عانمەن،- گەنمەن، - قانمەن،- كەنمەن مىسالى: قىس كەلگەنمەن، قار جاۋمادى.
(- ا،- ە،- ي)+ تۇرا (قىس كەلە تۇرا، قار جاۋمادى).
(- عانىنا،- گەنىنە،- قانىنا،- كەنىنە) + قاراماي (قاراماستان) مىسالى: قىس كەلگەنىنە قاراماستان، قار جاۋمادى.
(- عانى،- گەنى،- قانى،- كەنى) + بولماسا مىسالى: قىستىڭ كەلگەنى بولماسا، قار جاۋمادى.
- عانشا،- گەنشە،- قانشا،- كەنشە مىسالى: دالاعا شىعىپ جاۋراعانشا، ۇيدە وتىر.

قارسىلىقتى باعىنىڭقىنىڭ بايانداۋىشتارى مىناداي جولدارمەن جاسالادى:
ا) شارتتى رايلى ەتىستىككە دا (دە) شىلاۋى جالعاس كەلۋ ارقىلى: اباي ءداندىباي سوزىنەن جاقسى پەيىلدى اڭعارسا دا، ول كەزدە كومەكتەرىن الماعان - دى.

ءا) شارتتى رايدىڭ بولىمسىز تۇرىنەن: تاڭ الدىندا ءبىر ساعات مىزعىعانى بولماسا، اباي بۇل ءتۇندى ۇيقىسىز وتكىزدى.

ب) ەسىمشەگە كومەكتەس سەپتىك (- مەن) جالعاۋى قوسىلۋى ارقىلى: ۇلبەرگەن كەدەي بولعانمەن، كيىم - كەشەكتەرىن تازا ۇستايتىن ەدى.؛ ەسىمشەنىڭ بۇل تۇرىنە كەيدە دا، دە شىلاۋى قوسىلىپ تا قارسىلىقتى باعىنىڭقى ساباقتاس جاسالادى: قاسەن بايبالامداعانمەن دە، ويىن توقتالا قويمادى؛

ۆ) ەسىمشەگە - شا،- شە جۇرناعى جالعانۋ ارقىلى: ءبىر ءسوزدى قايتالاي بەرگەنشە، مەنىڭ كومبايندى جۇرگىزگەنىمدى ايتساڭشى.
گ) – ا،- ە،- ي جۇرناقتارى كوسەمشە تۇرىنەن بولادى: جاستار ءبىلىم جاعىنان ارتىق بولا تۇرا، تاجىريبەلى جۇمىسشىلاردىڭ جاردەمىنە مۇقتاج بولادى ەكەن.

ع) كەلەر شاق ەسىمشەنىڭ بولىمسىز تۇرىنە شىعىس سەپتىك جالعاۋىنىڭ (- تان،- تەن) جالعانۋى ارقىلى جاسالادى: وتىز ەكى جاسقا كەلگەنىنە قاراماستان، وسى جازدا كاپيتان ەناكييەۆتىڭ سامايىنا اق كىردى.
قارسىلىقتى باعىنىڭقى ساباقتاستىڭ جاسالۋ جولدارى (كەستە)

جاتتىعۋمەن جۇمىس: 129 - جاتتىعۋ.
ءبىلىمدى بەكىتۋ: وتىلگەن تاقىرىپقا بايلانىستى بىرنەشە سۇراقتار قويامىن. تۇسىنبەگەن سۇراقتارىنا جاۋاپ بەرەمىن.
باعالاۋ: ءۇي تاپسىرماسىن ورىنداپ كەلگەنىنە جانە جاڭا ساباققا ىنتالى قاتىسىپ وتىرعاندارىن باعالايمىن.
ۇيگە تاپسىرما: 125 - جاتتىعۋ.



تولىق نۇسقاسىن قاراۋ