InfoHub Logo

قازاق ءتىلى ءپانى بويىنشا جىلدىق كۇنتىزبەلىك جوسپار، 8 سىنىپ
كۇندەلىكتى ساباق جوسپارى، قازاق ءتىلى 8 سىنىپ.
تاقىرىپتار:
26. اتاۋلى سويلەم
27. جاي سويلەمنىڭ تۇرلەرىنە ارنالعان جاتتىعۋ جۇمىستارى
28. قۇرمالاس سويلەم
29. سالالاس قۇرمالاس سويلەم
30. سالالاس قۇرمالاس سويلەمنىڭ تۇرلەرى

ساباقتىڭ تاقىرىبى: اتاۋلى سويلەم
ساباقتىڭ ماقساتى: ا) بىلىمدىلىك: تولىمدى جانە تولىمسىز سويلەمدەردەن العان تەوريالىق بىلىمدەرىن پراكتيكادا قولدانۋ؛ اۋىزشا، جازباشا تالداۋ جۇمىستارىن جۇرگىزە وتىرىپ، بىلىمدەرىن بەكىتۋ.
ءا) دامىتۋشىلىق: ويلاۋ قابىلەتتەرىن، قيالدارىن دامىتۋ؛ وي قورىتىپ، ناقتى شەشىم جاساۋعا ۇيرەتىپ، وزدەرىنە سەنىمدەرىن ارتتىرۋ.
ب) تاربيەلىك: ساۋاتتى جازۋعا، ۇقىپتىلىققا باۋلۋ؛ توپپەن جۇمىس جاساپ، ءبىر - ءبىرىن تىڭداي بىلۋگە ۇيرەتۋ؛ سويلەۋ مادەنيەتتەرىن قالىپتاستىرۋ.
ساباقتىڭ ءتۇرى: ارالاس ساباق
ساباقتىڭ ءادىسى: جيناقتاۋ، تالداۋ، سىن تۇرعىسىنان ويلاۋ، ساتىلاي كەشەندى تالداۋ، ت. ب.
ساباقتىڭ كورنەكىلىگى: پلاكات، كەسپە قاعازدار، قوسىمشا ماتەريالدار.
ءپانارالىق بايلانىس: ادەبيەت، ورىس ءتىلى

ساباقتىڭ بارىسى:
ا) ۇيىمداستىرۋ كەزەڭى:
وقۋشىلارمەن امانداسۋ، تۇگەلدەۋ، وقۋ قۇرالدارىن تەكسەرۋ. سىنىپتىڭ تازالىعىنا كوڭىل ءبولۋ. وقۋشىلاردىڭ زەيىنىن ساباققا اۋدارۋ.

ءا) ءۇي تاپسىرماسىن پىسىقتاۋ:
ۇيگە بەرىلگەن تاپسىرمانى سۇرايمىن. وقۋشىلارعا وتكەن ساباقتى قالاي مەڭگەرگەنىن بايقاۋ ءۇشىن بىرنەشە سۇراقتار قويامىن

ب) جاڭا ساباقتى ءتۇسىندىرۋ:
كەيبىر جاي سويلەمدەر ءىس - وقيعانى باياندامايدى، تەك زاتتىڭ، قۇبىلىستىڭ، مەزگىلدىڭ، مەكەننىڭ اتاۋىن عانا بىلدىرەدى.
دالا. ەگىن دالاسى. ەگىن دالاسى راقات قۇشاعىندا. (ءا. ءا.)
اتاۋلى سويلەمدەر ارقىلى بەرىلىپ تۇرعان ويدى باسقا سويلەمنەن بىلايشا بىلدىرۋگە بولادى:
مىنە، دالا كورىنەدى. بۇل – ەگىن دالاسى. بۇل سويلەمدەردە قۇبىلىس اتالمايدى، باياندالادى.
ءىس - وقيعانىڭ جايىندا بايانداماي، تەك سوعان بايلانىستى جاعدايى (مەزگىل، مەكەن، ت. ب.) اتاپ كورسەتەتىن جاي سويلەمنىڭ ءتۇرىن اتاۋلى سويلەم دەيمىز.
اتاۋلى سويلەم، نەگىزىنەن، زات ەسىمنەن بولادى. توعاي. ەگىن. شالعىن. جاباعىداي ۇيىسقان قالىڭ كوكتەن ماشينانىڭ كەيدە جانى عانا كورىنەدى. (ع. مۇست.)
قۇرامى جاعىنان اتاۋلى سويلەم جەكە ءبىر سوزدەن دە، ەكى نەمەسە ودان دا كوپ سوزدەردىڭ تىركەسىنەن دە بولا بەرەدى. بالا كۇنىم. جەر سىرەۋ قار. ىزبارلانىپ اسپاننىڭ اجارى ءبىر كىرمەيدى. (ج. ايم.) ماعىناسى جاعىنان اتاۋلى سويلەم مەزگىلدى، مەكەندى، جاعدايى جانە باسقا دا ءار ءتۇرلى زاتتىڭ اتىن بىلدىرەدى. قازان ايى. تۇنەرگەن كەش. باياۋ ەسكەن قوڭىر جەل. ولكە بويىنداعى قالىڭ تال مەن ارەدىك قامىس اقىرىن قوزعالىپ سىبىرلايدى. (س. سەيف.)

جاتتىعۋمەن جۇمىس: 85 - جاتتىعۋ. بەرىلگەن سويلەمدەردەن اتاۋلى سويلەمدەردى تابىڭدار.
86 - جاتتىعۋ. ماتىننەن ىڭعايى كەلگەن سويلەمدەردى اتاۋلى سويلەم ەتىپ جازىڭدار. اتاۋلى سويلەمدەردى ءبىر سوزدەن، ءسوز تىركەسىنەن، كۇردەلى سوزدەردەن جاساڭدار.
تاقتامەن جۇمىس: تاقتاعا بىرنەشە سويلەمدەرگە ساتىلاي كەشەندى تالداۋ جۇرگىزەدى.
ءبىلىمدى بەكىتۋ: وتىلگەن تاقىرىپقا بايلانىستى بىرنەشە سۇراقتار قويامىن. تۇسىنبەگەن سۇراقتارىنا جاۋاپ بەرەمىن.
1. جاقسىز سويلەم قانداي جولدارمەن جاسالادى؟
2. جالاڭ جانە جايىلما سويلەمدەر قالاي جاسالادى؟
3. تولىمدى جانە تولىمسىز سويلەم قالاي جاسالادى؟
4. اتاۋلى سويلەم دەگەنىمىز نە؟
باعالاۋ: ءۇي تاپسىرماسىن ورىنداپ كەلگەنىنە جانە جاڭا ساباققا ىنتالى قاتىسىپ وتىرعاندارىن باعالايمىن.
ۇيگە تاپسىرما: 87 - جاتتىعۋ.



تولىق نۇسقاسىن قاراۋ