ەل بويىنشا ماسكا تاعۋ رەجيمى قايتا ەندى
قازاقستان بويىنشا مەديسينالىق ماسكا تاعۋ رەجيمىنىڭ قايتا ەنگىزىلۋى جاريالاندى. بۇل شەشىم باس سانيتارلىق دارىگەردىڭ رەسمي قاۋلىسىنا سايكەس قابىلداندى.
مەديسينالىق ماسكا تاعۋ رەجيمى، دەنساۋلىق ساقتاۋ مەكەمەلەرىندە، حالىقتىڭ كوپ شوعىرلانعان ورىندارىندا جانە قوعامدىق كولىكتەردە بەتپەردە كيۋدى مىندەتتەيدى. بۇل تالاپ، COVID-19، تۇماۋ، قىزىلشا جانە باسقا دا اۋا ارقىلى تارالاتىن ۆيرۋستىق ينفەكسيالاردىڭ كەڭ تارالۋىن بولدىرماۋ ماقساتىندا ەنگىزىلگەن.
بەتپەردە كيۋ ءتارتىبىن ەنگىزۋ جانە باقىلاۋ جۇمىستارى، ءار وبلىستىڭ، سونداي-اق الماتى، استانا جانە شىمكەنت قالالارىنىڭ دەنساۋلىق ساقتاۋ باسقارمالارىنا جانە سانيتاريالىق-ەپيدەميولوگيالىق قاداعالاۋ كوميتەتىنىڭ اۋماقتىق بولىمشەلەرىنىڭ باسشىلارىنا جۇكتەلدى. بۇل شارالاردىڭ بارلىعى حالىق دەنساۋلىعىن قورعاۋ جانە ينفەكسيالاردىڭ تارالۋ ءقاۋپىن ازايتۋ ماقساتىندا قابىلدانۋدا.
بۇل وزگەرىستەر، جالپى قوعامدىق دەنساۋلىقتى قورعاۋ جانە ۆيرۋستىق ينفەكسيالاردىڭ الدىن الۋ ستراتەگياسىنىڭ ماڭىزدى بولىگى رەتىندە، حالىق اراسىندا كەڭىنەن ءتۇسىندىرىلۋى جانە قولداۋ تابۋى ءتيىس.
You Might Also Like
-
الماتى مەلەكەتتىك قۋىرشاق تەاترى اعىمداعى جىلدىڭ اقپان ايىنىڭ 15ء-ى كۇنى قازاقستاندىق بوكسشى، سيدنەي وليمپياداسىنىڭ جەڭىمپازى بەكزات ساتتارحانوۆتىڭ باتىل رۋحىنا ارنالعان «چەمپيون» قويىلىمىنىڭ پرەمەراسىن تەاتر سۇيەر قاۋىمنىڭ نازارىنا ۇسىنادى. ارمانعا دەگەن ادالدىق، ماقساتقا جەتۋ جولىنداعى قاجىرلى ەڭبەك، ەلى مەن جەرىنە دەگەن سۇيىسپەنشىلىكتى ناسيحاتتايتىن قويىلىم جاس جەتكىنشەكتەردى قايسارلىققا، وجەتتىلىككە، باتىلدىققا، شىدامدىلىققا تاربيەلەيدى.
-
رەسەيدىڭ ارنايى قىزمەتتەرى ءپۋتيندى جاھاندىق اقپارات كەڭىستىگىنە ەنگىزۋ ءۇشىن اقپاراتتىق-پسيحولوگيالىق ناۋقان جۇرگىزدى.
