ەندى ءبىلىم گرانتىن ۇتىپ العان ساربازدارعا ستيپەنديا تولەنەدى
بىلتىر قولعا الىنعان قورعانىس مينيسترلىگىنىڭ ساربازدار ءۇشىن تەگىن وقۋ جوباسى، ەندى مەملەكەتتىك گرانت رەتىندە تاعايىندالادى. بۇل تۋرالى قورعانىس ءمينيسترىنىڭ كەڭەسشىسى ايگۇل تولەمبايەۆا ءمالىم ەتتى.
«قورعانىس مينيسترلىگى ساربازدارعا ءبىلىم الۋ بويىنشا جەڭىلدىكتەر سپەكترىن كەڭەيتۋ باعىتىندا بەلسەندى جۇمىس جاساپ جاتىر. ماسەلەن، ءقازىر ءماجىلىس دەپۋتاتتارى باستاماسىمەن قولعا الىنعان قازاقستان رەسپۋبليكاسىنىڭ كەيبىر زاڭنامالىق اكتىلەرىنە اسكەري-پاتريوتتىق تاربيە ماسەلەلەرى بويىنشا تولىقتىرۋلار ەنگىزۋ تۋرالى» زاڭ جوباسى ۇكىمەتتىڭ قاراۋىندا. وعان سايكەس «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسىنىڭ زاڭىندا العاش رەت «اسكەرگە شاقىرۋ بويىنشا اسكەري قىزمەتتىڭ بەلگىلەنگەن مەرزىمىن وتكەرگەن ازاماتتاردى الەۋمەتتىك قامسىزداندىرۋ» بولىگى قاراستىرىلعان»، - دەدى ايگۇل تولەمبايەۆا
ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
مينيستر كەڭەسشىسىنىڭ اقپاراتىنشا، ساربازدارعا بەرىلەتىن ءبىلىم بەرۋ جەڭىلدىكتەرى ەندى زاڭنامالىق تۇرعىدان رەتتەلەدى. اتاپ ايتقاندا 2024 جىلدان باستاپ ول مەملەكەتتىك گرانت رەتىندە تاعايىندالادى.
«بۇگىنگى كۇنى ساربازدارعا جوو-دا وقۋعا 100% جەڭىلدىك بەرىلەتىن ەدى. ەندى مەملەكەتتىك گرانت تاعايىندالادى جانە ساربازدارعا ستيپەنديا تولەنىپ، جاتاقحانامەن قامتىلادى. مەملەكەتتىك گرانت ۇبت ەسەبىنسىز بەرىلەدى»، - دەيدى ول.
You Might Also Like
-
الماتى وبلىسى قاپشاعاي قالاسى اقوزەك اۋىلى №10 ورتا مەكتەپ ۋرازالييەۆا گۋلسارا پەداگوگ-پسيحولوگ
