InfoHub Logo

ءبورىلى بايراعىن جەلبىرەتكەن اتا-بابالارىمىز سان عاسىرلار بويى سايىن دالا ءتوسىن ەركىن جايلاعان ەل بولاتىن. جان-جاقتان انتالاعان دۇشپان ءبىزدىڭ ۇلان بايتاق جەرىمىزگە كوز الارتا قارادى. ازاتتىق جولىنداعى كۇرەس قازاق بالاسىنىڭ باسىن ءبىر تۋدىڭ استىنا بىرىكتىردى. ءتۇبى ءبىر تۇركى بالاسىنىڭ كوكسەگەنى – تاۋەلسىزدىك ەدى. جەلتوقسان قۇرباندارى اتا-بابا جولىن جالعاستىرۋشى، تاۋەلسىزدىك جولىنداعى كۇرەسكەرلەر دەسەك قاتەلەسپەيمىز. جالعان ايىپ تاعىلعان، «بۇلىكشى» دەگەن جالامەن قوعامنىڭ قانشاما بەلسەندى جاستارى قۋعىنعا ۇشىراپ، تاعدىر تاۋقىمەتىن تارتتى.

1986 جىلعى جەلتوقسان وقيعاسىنا بەلسەنە قاتىسقان جاستار اراسىندا قايرات رىسقۇلبەكوۆ تە بولدى. قايراتتىڭ تۋىستارىنا جازعان «ب ا ق تۇسسە – ماڭدايىمنان، تاس تۇسسە تالايىمنان»، كورىپ الدىم، ماعان ءولىم قورقىنىشتى ەمەس، ويتكەنى ادالدىعىم ودان بيىك تۇر» دەگەن حات جولدارى سوت الدىنداعى زۇلىمدىققا قارسى تۇرا بىلگەن ءور مىنەزدى قازاق جاسىنىڭ باتىرلىق بەينەسىن ايقىن كورسەتەدى. قايرات «...جانىم – ارىمنىڭ ساداعاسى» دەپ باتىل قادام جاساعان جاستاردىڭ ءبىرى ەدى.

جەلتوقسان قۇربانىنا اينالعان قايرات ەر مىنەزدى كۇرەسكەرلىگىمەن قاتار اقىن دا بولاتىن. قايراتتىڭ شىندىق  دەپ شىرقىراعان ءۇنى تۇرمەدەگى ءولى تىنىشتىقتى بۇزعانداي ەدى. قايرات رىسقۇلبەكوۆتىڭ «ەمەننىڭ ءيىر بۇتاعى» اتتى ولەڭدەر جيناعىنداعى «اقتىق ءسوز» ولەڭىندە:

قايرات دەگەن اتىم بار،

قازاق دەگەن زاتىم بار.

«ەركەك توقتى قۇرباندىق»،

اتام دەسەڭ، اتىڭدار! – دەگەن ولەڭ جولدارى قايراتتىڭ جانايقايى بولاتىن. جىراۋلىق پوەزيانىڭ ۇلگىسىندە جازىلعان بۇل ولەڭ جاس اقىننىڭ تالانتىنىڭ ءبىر قىرى دەسەك تە بولادى. ءبىز تەك جەلتوقساننىڭ ىزعارى شالعان ءبىر عانا تاعدىر جايلى ءسوز ەتكەنمەن، وسىعان ۇقساس قانشاما ادامنىڭ تاعدىرلارى بار.

قورىتا كەلە، جەلتوقسان ايىنداعى قازاق جاستارىنىڭ باسىن بىرىكتىرىپ، الاڭعا شىعۋلارىنا تۇرتكى بولعان بيلىك باسىنداعىلاردىڭ قازاق ەلىنىڭ تاعدىرىنا دەگەن نەمقۇرايلىلىعى بولاتىن. ءوز ەلىنىڭ ازاتتىق جولىنداعى كۇرەسىنىڭ تاريحىن جاقسى ءبىلىپ وسكەن قازاق جاستارى قازاق ەلىنىڭ ازاتتىق جولىنداعى كۇرەسىنىڭ سوڭعى نۇكتەسىن قويدى.

7-سىنىپ وقۋشىسى امانگەلدى مەيرام

---