ماماندىعىم-ماقتانىشىم
مەن بۇگىن ەرەكشە سەزىممەن وياندىم،
ساۋلەلى اق تاڭنىڭ شۋاعىنا بويالدىم.
جۇرەكتە قۋانىش، بويدا كۇش تاسىعان،
تاعى دا باقشاما اياڭداپ كەلەمىن،
ءبۇلدىرشىن ۇنىمەن جۇمىستا قيالىم.
مىناۋ مەنىڭ بالاباقشام... قازىرگى جۇمىس جاساپ جۇرگەن «ءنۇرسات» بالاباقشاسىنا وسى ءبىر ولەڭ شۋماقتارىنىڭ كۇش-قۋاتىمەن كەلە جاتىرمىن. مىناۋ مەنىڭ كىشكەنتاي بوبەكتەرىم... ءار كۇنى ولاردىڭ سۇيكىمدى ءجۇزىن كورگەندە ەرىكسىز كۇلىمسىرەيمىن. ويتكەنى ولار مەنى قۋانا قارسى الادى. قۋانىشىن جاسىرا الماي ەركەلەي الدىما كەلەدى. ءبىر ءۇيدىڭ ءۇمىتى، شىراعى، اياۋلىسى، ارداعى، ەركەسى، بۇزىعى، قىزىعى. مەن ولارمەن بىرگە جۇرسەم، بالاشا قۋانىپ، مىنا ومىرگە بالاشا قاراعىم كەلەدى.
مەن تاربيەشىمىن... وسى ماماندىقتىڭ قىزىعى مەن قيىندىعىن بالا ورتاسىندا جۇرگەن مەنەن ارتىق ەشكىم سەزە المايدى.
ءبىز، تاربيەشىلەر ءۇشىن بالاعا نەنىڭ دۇرىس-بۇرىستىعىن، نە ىستىق، نە سۋىق ەكەنىن، نە جامان، نە جاقسى ەكەنىن سارى اۋىز بالاپاندارعا ۇيرەتۋدەن قيىن ءىس جوق.
كوزدەرى مولدىرەگەن، جۇزدەرىندە كۇلكى ويناعان بالالارعا قاراساڭىزشى...
كۇندە ەرتەڭگىسىن بالاباقشادا جاس بۇلدىرشىندەردى قارسى الىپ، ولاردىڭ جاعىمدى ۇندەرىن، سىڭعىرلاعان ءتاتتى كۇلكىلەرىن، «سالەمەتسىز بە؟»، «قايىرلى تاڭ!» دەگەن سوزدەرىن ەستىگەندە، بويىم ءبىر سەرپىلىپ قالعانداي بولادى. بالالارمەن بولعان ءاربىر ۋاقىتىم مەنى جاڭا ءبىر الەمگە جەتەلەگەندەي. ءاردايىم بالالاردىڭ ماعان دەگەن ىقىلاسىن، ماعان ۇمتىلعان ۇمىتكە تولى كوزدەرىن، نە نارسەنى بىلۋگە قۇشتار شابىتتى، سۇراۋلى جانارلارىن بايقايمىن. ولاردىڭ مەنەن كۇتەتىندەرى وتە كوپ ەكەنىن سەزەمىن.
بالاباقشانىڭ ۋ-شۋىنسىز ءومىرىمدى ەلەستەتە المايمىن. ءار بالا وزىنشە ءبىر الەم... تىم جاقسى، تاپ-تازا، سەزىمدەرى پاك، اڭعال، سۇيكىمدى جاندار. ەندەشە ولاردى قالاي عانا، جاقسى كورمەيسىڭ. مەنى وزدەرىنە اسقار تاۋداي سۇيەنىش دەپ ءبىلىپ تۇرعانىن سەزە تۇرا، مەن ولارعا جان-تانىممەن بەرىلمەسەم كىم بولعانىم...
مەنىڭ نەگىزگى ماقساتىم – بالالارعا جاقسى كوڭىل – كۇي سىيلاي وتىرىپ، سانالى تاربيە، ساپالى ءبىلىم بەرۋ. ءوزىمدى ءار وقۋ قىزمەتى ۇستىندە بالالارعا باعىت بەرۋشى، جول سىلتەۋشى رولىنە قويامىن. بۇل بالالاردىڭ وزىنە دە¬گەن سەنىمىن ارتتىرىپ، وقۋ قىزمەتىنە دەگەن تۇراقتى زەيىن قالىپتاستىرۋعا، قىزىعۋشىلىعىن وياتۋعا جاعداي تۋعىزادى.
بالا جۇرەگى – كىشكەنتاي كۇي ساندىق. ول ساندىقتىڭ كىلتىن تاپساڭ عانا اشىلادى. تاربيەشىنىڭ قولىندا ءار كەزدە سول كىلت ءجۇرۋى كەرەك. مەن وزگەنىڭ بالالارى بولسا دا، ءوز بالالارىمنان دا ارتىق كورەمىن. بالا تاربيەسىنىڭ جولىندا تالماي قىزمەت ەتىپ كەلەمىن. قىزمەت ەتۋدى ازاماتتىق، ۇستازدىق بورىشىم دەپ سانايمىن. ءالى دە قىزمەت ەتەمىن، بالامەن جۇمىس جاساۋ مەن ءۇشىن وتە قىزىقتى7
مىنە، وسىنداي كەربەز، كىشىپەيىل، مەيىرىمدى، شۋاقتى تاربيەشى اتانسام - ادامي پارىزىمنىڭ ورىندالعانى بولار.
مەنىڭ ماماندىعىم الەمدەگى ەڭ قاجەت ماماندىقتاردىڭ ءبىرى. سوندىقتان مەن ماماندىعىمدى ماقتان تۇتامىن.
You Might Also Like
-
تاۋەلسىزدىك. ەركىندىك. بۇل ۇعىمدار ايتار اۋىزعا قاۋىرسىنداي جەڭىل بولعانىمەن، سايىپ كەلگەندە قورعاسىنداي اۋىر، تالاي اققان تەر مەن توگىلگەن قاننىڭ، جاڭبىرشا تامعان كوز جاستاردىڭ دالەلى....
-
ءبورىلى بايراعىن جەلبىرەتكەن اتا-بابالارىمىز سان عاسىرلار بويى سايىن دالا ءتوسىن ەركىن جايلاعان ەل بولاتىن. جان-جاقتان انتالاعان دۇشپان ءبىزدىڭ ۇلان بايتاق جەرىمىزگە كوز الارتا قارادى. ازاتتىق جولىندا...
