قىرقىنشى ما،
ەلۋىنشى مە عاسىردا
عاسىرلار جينالىپ، عاسىرلار سەزىن اشۋدا
ادىرا قالىپ التىنىڭ مەن ۋرانىڭ،
پاراسات، اقىل ارناعا سىيماي تاسۋدا.
وتكەن عاسىرلار، جەتكەن عاسىرلار جينالىپ
تاڭىرقار سوندا جيىرماسىنشى عاسىرعا!
وتكەن عاسىرلار،
جەتكەن عاسىرلار باس ۇرىپ،
زامانالاردىڭ ەسىگى تەگىس اشىلىپ،
ەنەدى سوندا بۇكىل عالامدىق سارايعا،
جىعىلماي تۋى جيىرماسىنشى عاسىرىم.
جانادى جارىق -
جۇلدىزدار نۇرى شاشىلىپ.
سەزدى اشادى،
ەستىلىپ ءۇنى تۇرادى.
جاندى دا، جانسىز دۇنيە تەگىس تۇنادى.
وتكەن عاسىرعا،
جەتكەن عاسىرعا ءسوز بەرىپ،
مەنىڭ عاسىرىم ءبارىنىڭ باسىن قۇرادى.
كەزەكپەن ءسوز اپ،
عاسىرلار ەسەپ بەرگەندە،
جىبەرىپ قويعان قاتەلىكتەرىن كورگەندە،
بابالارىنا دا،
بالالارىنا دا،
جيىرماسىنشى عاسىرىم
اقىل ايتادى قاتەلىكتەرىن جوندەۋگە.
جايىلار سوندا عالامعا ۇلكەن داستارقان،
عاسىرىم مەنىڭ ونى دا ءوزى باسقارعان.
Heگe دەيسىز عوي؟
Heگe دەسەڭىز،-
ناعىز كەرەمەت وسى عاسىردان باستالعان.
سالتانات بىتەدى،
عاسىرلار تەگىس تاراسار،
ءاربىر عاسىرلار ءوز داۋىرىنە جاراسار.
جارىلىپ ءبارى وسى عاسىرعا جول اشار.
عاسىرىمدى مەنىڭ
بولاشاق عاسىرلار
قوناق ەتۋگە تالاسار.

---