قاباعى تاۋدىڭ قاتۋلى،
قار جاۋا ما، قايتەدى؟!
بۇلاقتار مۇڭعا باتۋلى،
مۇز تۇرا ما، قايتەدى؟!
اي تۋىپتى شالقالاپ،
شاتىناپ اياز بولار ما؟!
تىنىستاي قاپتى شارتاراپ،
شارق ۇرىپ داۋىل سوعار ما؟!
جاپساڭ جاپ تاۋدى، قىراتتى،
جاۋساڭ، جاۋ، اق قار، ءۇش اپتا!
بۇيىعىپ جاتقان بۇلاقتى
بۇرقانا كەلىپ قۇشاقتا.
دالا، ورمان تەگىس ءىلبىپتى،
سوقساڭ سوق، داۋىل، سەرپىل ءبىر!
مىنا ءبىر بەيقام تىرلىكتى
جەلپىندىر، داۋىل، جەلپىڭدىر.
شالقادان تۋعان ايدى دا
وراق قىپ كوككە شانشىپ قوي.
جول اشساڭ مۇڭعا، قايعىعا
تىرلىگىڭ وندا مانسۇق قوي.

---