جاندىكتەر قىسقا قالاي قامدانادى
قىر حايۋاندارى قىس تايانعانىن سەزەدى دە، ەرتە باستان قام قىلادى. كىرپى مەن تىشقان ىنگە كىرىپ، قىس قاتىپ جاتادى. كىرپى جاپىراق جيناپ
سوعان ورانادى. تىشقان قۋ شوپكە ورانىپ، قۇنىسادى.
تيىن اعاشتىڭ قۋىسىنا تىعىلادى. ول كۇزدىڭ قارا باسىنان اعاشتىڭ بۇرشىگىن، جاڭعاعىن، ساڭىراۋقۇلاقتى جيناپ الادى. قىستىڭ ءقۇنى سولارىن جەيدى دە، ۇيقتايدى. جارقانات باسپانالى جەرگە كىرىپ، تىرناعىمەن بىردەڭەگە جابىسىپ، باسىن سالبىراتىپ جاز شىققانشا ۇيقىمەن بولادى.
جىلان، شايان، كەسىرتكە، باقالار تاس استىنا، اعاش تۇبىنە، جىلى جەرگە كىرىپ جازعا دەيىن قاتادى. قوڭىز، قۇرت، سۇلىكتەر دە سونداي بىردەڭە، قىلادى.
بالىقتار عانا تەرەڭدە، سۋ تۇبىندە قىستايدى.
قايتا قويان بالەكەت قىستاي اق قارعا الاس ۇرىپ، جۇگىرىپ تاماق ىزدەپ جۇرگەنى. ءشوپ ارشىپ جەي مە؟ اعاشتىڭ قابىعىن كەمىرە مە، قىرماننىڭ تۇقىمىن تەرە مە، ايتەۋىر، دامىلى جوق. ادام قامىن جەمەسە، ءۇي حايۋاناتتارىنا دا قىس باپتى تيمەيدى. جىل شىققان مالدىڭ ءتۇرى قانداي؟ بايعۇستارعا جىلى قورا، ەن تاماق بولار ما ەدى!
You Might Also Like
-
جۇمىسىن بيىل قازاننىڭ 31ء-ى كۇنى ۋاقىتشا توقتاتقان الماتى ترامۆايى كوپ ۇزاماي تۋعان كۇنىن اتاپ وتەدى. ول 1937 جىلدىڭ اياعىندا ىسكە قوسىلعان.
-
بولاشاقتىڭ اجەسى نەمەرە قىزدارىنا اڭگىمە ايتىپ وتىر. - وسى كۇنى جاياۋ ءجۇرۋ دەگەندى قويدىڭدار. بارىڭدە ءبىر-بىر ۇشاتىن تاباقشا. باياعىنىڭ قىزدارى جاياۋ ءجۇرۋشى ەدى. جۇمىسقا بارۋ ءۇشىن ءۇيدىڭ جانىنداعى ا...
