جاقسىلىق پەن جاماندىق
جاسى ۇلكەن اتا مەن ونىڭ نەمەرەسى ءۇيدىڭ الدىندا ىرسىلداپ، الپارىسىپ جاتقان ەكى يتكە قاراپ وتىرىپتى. يتتەردىڭ بىرەۋى اق، ەكىنشىسى قارا. 12 جاسار نەمەرە ءوزىن بىلگەلى وسى يتتەر ۇنەمى اتاسىنىڭ ءۇيى الدىندا الپارىسىپ جاتاتىن. اتاسى كوزىن الماي قارايتىن ءىرى يتتەر ەدى بۇلار.
نەمەرە: «اتا، يتتەرىڭىز سونشالىقتى ۇلكەن - ءۇيىڭىزدى قورعاۋعا بىرەۋى دە جەتەر ەدى عوي، نەگە ەكەۋىن ۇستايسىز؟ ال تۇستەرى شە - نەگە بىرەۋى اق، ەكىنشىسى قارا بولۋىن قالادىڭىز؟» دەپ سۇرادى اتاسىنان.
جاسى 70-كە جەتكەن اتا نەمەرەسىنە كۇلىمدەپ قارادى دا:
"ول يتتەرىم،" دەدى، "مەن ءۇشىن ەكى تاڭبا، بالام."
- نەنىڭ تاڭباسى؟
- جاقسىلىق پەن جاماندىقتىڭ. تۋرا وسى يتتەر ۇقساپ، ىشىمىزدەگى جاقسىلىق پەن جاماندىق ۇنەمى كۇرەسىپ جاتادى. يتتەرگە قاراعان سايىن سونى ويلايمىن. سول ءۇشىن ولاردى قاسىمدا ۇستايمىن.
كىشكەنتاي بالا، كۇرەس بولسا وندا جەڭگەن مەن جەڭىلگەن دە بولۋى كەرەك دەپ:
"قالاي ويلايسىز، وسى كۇرەستى قايسىسى جەڭىپ شىعادى ەكەن؟"
اتاسى بالاعا قۇلىمدەپ قاراپ:
"قايسىسى دەيسىڭ با، بالام؟ مەن قايسىسىنا كوپ تاماق بەرسەم - سول!"
You Might Also Like
-
ەرتەدە اق نيەت پەن قارا نيەت جولداس بولىپتى. ءبىر كۇنى ازىق-تۇلىكتەرىن جابداپ الىپ، ەكەۋى ۇزاق ساپارعا شىعادى. بىرنەشە اپتا وتكەننەن كەيىن قارا نيەت:
-
ارتىنا مول مۇرا قالدىرعان شاكارىم قۇدايبەردى ۇلى 1858 جىلدىڭ 24 شىلدەسى كۇنى بۇرىنعى سەمەي وبلىسىنىڭ اباي اۋدانىندا تۋىپ، 1931 جىلدىڭ 21 قىركۇيەگىندە سول مەكەندە قايتىس بولدى. ول اسقان اقىندىعىنا قو...
