جەمقورلىقپەن كۇرەس
جەمقورلىق قازاقتىڭ جالپاق جەرىن جايپاپ كەلەدى. «جەمقورلىقپەن كۇرەسەمىز» دەگەندەردىڭ ءوزى جەمقورلار قاتارىنان ەكەنى بارشامىزعا ءمالىم. XXI عاسىردا اقشانىڭ مەرەيى بارىنشا ۇستەم بولىپ وتىر. ءبىر جاپىراق قاعازعا ادامدار نەگە مۇنشا قۇنىقتى ەكەن؟ اقشا كۇرمەۋى مول كوپ ماسەلەنى شەشۋگە قاۋقارلى.
جوعارى لاۋازىمدى تۇلعالار اقشانى وڭدى-سولدى شاشىپ، مەملەكەتكە ساتقىندىق جاساپ وتىر. تامىرىن تەرەڭگە جىبەرگەن جەمقورلىقتى تۇبىرىمەن جويۋ وڭاي بولماي تۇر. تاربيە وتباسىنان باستالادى. اتا-اناسىنىڭ ءوز شارۋاسىن پارا بەرۋ ارقىلى شەشىپ وتىرعانىن كورىپ وسكەن بالا، اتا-اناسىنان كورگەنىن دۇرىس دەپ ءتۇسىنىپ، ونى قالىپتى جاعداي دەپ قابىلداۋعا ۇيرەنەدى. ەسەيگەندە ول بالا قاي جولدى تاڭداۋى مۇمكىن؟ قالتاسىنىڭ قامىن ويلايتىن شەنەۋنىك بولا ما، الدە تاۋەلسىز ەلىمىزدىڭ قامىن ويلايتىن ازامات بولا ما؟ «تۋرا بيدە تۋعان جوق، تۋعاندى بيدە يمان جوق» دەپ، قارا قىلدى قاق جارىپ، تۋراسىن ايتىپ، ادىلدىككە جۇگىنگەن قايسار حالىقتىڭ ۇرپاعى بۇگىنگى تاڭدا ادىلدىكتىڭ نە ەكەنىن ۇمىتا باستادى-اۋ، شاماسى. قاتاڭ شارا قولدانىپ، انىق قولعا الاتىن بولساق، جەمقورلىقتى جويۋعا بولادى. جەمقورلىققا قاتىسى بار ادامداردى مەملەكەتتىك قىزمەتتەن الىپ، جازا قولدانساق، بۇل باسقالارعا ساباق بولادى. وزگەنىڭ شالىس باسقانىن كورگەن حالىق پاراقورلىقتان بويىن اۋلاق ۇستايدى. كوپتەگەن مەكەمەلەردە جەمقورلىققا قارسى شارالار وتسە، ول دا سەپتىگىن تيگىزەر ەدى. مەملەكەتتىك مەكەمەدە ادىلەتتى شەشىم شىعاراتىن ادال، جاناشىر ازاماتتار بولسا، ەلىمىزدەگى جەمقورلىق تۇبىرىمەن جويىلادى. ارينە، بۇنىڭ ءبارى وڭاي شارۋا ەمەس. ول ءۇشىن سىلتاۋ ەمەس، ارەكەت كەرەك.
ومىردە مۇمكىن ەمەس نارسە جوق. سىمسىز ۇيالى تەلەفون، تۇتقاسىز ەسىكتىڭ بولارىن ءبىزدىڭ اتالارىمىز ءبىلدى مە؟ بۇل دا ءبىر كەزەڭدەرى مۇمكىن ەمەستەردىڭ قاتارىندا بولعان. سول سەكىلدى جەمقورلىقپەن دە كۇرەسۋگە بولادى. قاشانعى ۇكىمەت باسىنداعىلاردىڭ ميلليون ەمەس، ميللياردتاردى جەپ وتىرعانىنا شىداپ وتىرماقپىز؟ وتكەن جىلدارى قازاقستان رەسپۋبليكاسى قارۋلى كۇشتەر مينيسترلىگى 36 ميللياردتى جوق ەتتى. بۇل ءبىر مىسال عانا، مۇنان وزگە قانشا اقشانىڭ جوق بولىپ جاتقانىنان بەيحابارمىز. ماڭ-ماڭ باسقان مينيسترلەرىمىگە ەرتەڭىمىزدى سەنىپ تاپسىرىپ، الاڭسىز وتىرا بەرسەك، بولاشاعىمىزدىڭ ءماز بولماسى انىق. سول سەبەپتى كەش بولماي تۇرىپ، ەرتەرەك ءىستى قولعا الۋ كەرەك.
ومىردە جۇيەسى كەتكەن تالاي نارسەنى جونگە سالۋعا بولادى. جەمقورلىقتى دا تولىقتاي جويۋعا بولادى. ەڭ باستىسى، نيەت، سوسىن، ارەكەت كەرەك. «جۇمىلا كوتەرگەن جۇك جەڭىل» دەمەكشى، بۇل دەرتتەن دە ارىلۋعا بولادى. قازاقتىڭ كەڭ پەيىل دالاسىن جايلاپ، كوك اسپانىن قارا بۇلتتاي تورلاعان «جەمقورلىق» اتتى دەرتتىڭ قازاق جاستارى شيپاسىن تاۋىپ، ونى ەمدەپ جازارىنا سەنەمىن!
You Might Also Like
-
ءومىر – ادامعا ءبىر-اق رەت بەرىلەتىن باعا جەتپەس قىمبات سىي. وسى ءسوزدىڭ استارىندا ۇلكەن ماعىنا، تەرەڭ سىر جاتىر.
-
دەنساۋلىق – ءبىزدىڭ جالعىز عانا اسىل دۇنيەمىز. دەنساۋلىقتى اقشاعا ساتا دا المايمىز، ساتىپ تا الا المايمىز. سەبەبى اقشا بايلىق ەمەس، ەڭ باستى بايلىق-دەنساۋلىق. دەنساۋلىعىمىزدى ساقتاماساق،...
