InfoHub Logo

ءومىر – ادامعا ءبىر-اق رەت بەرىلەتىن باعا جەتپەس قىمبات سىي. وسى ءسوزدىڭ استارىندا ۇلكەن ماعىنا، تەرەڭ سىر جاتىر.

ءومىردىڭ ءمانى جايلى اركىم ءار قيلى ويلايدى. مەن  ءۇشىن ءومىردىڭ ءمانى - وسى بىزگە بەرىلگەن سىيدى باعالاي ءبىلۋ، ايالاي ءبىلۋ، ارداقتاي ءبىلۋ.ءومىردىڭ ءمانى ادالدىق، ادامدىقتا.ءبىر كۇندىك ءومىردىڭ ءمانى بولمايدى.مەن ءار كەش سايىن ءوزىمنىڭ وتكەن ءبىر كۇنىمە تالداۋ جاساپ، سارالايمىن.دۇرىس ەمەس جەرلەرىمدى تۇزەپ، كەلەسى كۇنى ول قاتەلىكتەرىمدى قايتالاماۋعا تىرىسامىن.باستىسى، سول قاتەلىكتى ۋاقىتىندا ءبىلىپ وتىرۋ كەرەك دەپ ويلايمىن.

كەي كەزدەرى بىرەۋلەردى وسەكتەپ، يا بولماسا كەي وسەكتەرگە سەنىپ جاتامىز.ونىڭ شىن نە وتىرىك ەكەنىن سارالاپ باس اۋىرتپايمىز.ال وزگە ەمەس، وزىمىزگە ءبىر رەت بولسا دا سىني كوزبەن قاراساق، ءومىر اناعۇرلىم ءماندى دە ماعىنالى بولار ما ەدى دەپ ويلايمىن.

ءومىر – سىرعا تولى قىزىق الەم. جۇرەككە بىردە قۋانىش سىيلاپ، شاتتاندىرسا، بىردە ەرىكسىز مۇڭعا بولەيدى.ءومىر – عاجاپ، ءومىر – ءتاتتى! ءومىر سۇلۋلىق پەن ۇيلەسىمدىلىكتى تالاپ ەتەدى، ادام مەن ادامگەرشىلىكتى قالايدى.ءبىراق ءبىز وسى جالعان دۇنيەنىڭ ءقادىرىن بىلەمىز بە؟ قايتالانىپ كەلمەيتىن، اللانىڭ بەرگەن سىيىن ادامگەرشىلىك، يماندىلىقپەن نەگە وتكىزبەسكە؟ عاجايىپ ءومىردى ادامداردىڭ نەگە جاقسى كورمەيتىنىنە تاڭ قالامىن.اينالاداعى ادامدارعا قاراساق، ءبارىنىڭ ءوز ءومىرى، تىرلىگى بار.بىرەۋى قينالادى، بىرەۋى قۋانادى، بىرەۋى دۇنيەگە كەلىپ جاتسا، ەندى بىرەۋى قابىردە جاتادى.كەيبىر ادامدار وسىنىڭ ءبارىن بىلە تۇرا، اللانىڭ سىناعىنا شىداماي، «مەن شارشادىم، ءومىر سۇرگىم كەلمەيدى» دەيدى.قانداي جاعداي بولماسىن اقىل-ويىمىزبەن، سابىرلىلىعىمىزبەن جەڭە ءبىلۋىمىز كەرەك.ادام ءومىرى جەڭىس پەن جەڭىلىستەن،ساتسىزدىكتەن، قايعى مەن قۋانىشتان قۇرالادى.مىنە، ءومىردىڭ ءوزى بىلە بىلسەك، سونىسىمەن قىمبات.ومىردە ءبارى وتكىنشى.

ءيا، ءومىر، ءومىر، ءومىر...اللاھ ادامعا ءومىردى تەك ءبىر رەت قانا بەرەدى، سول ارقىلى ادامنىڭ بۇل ومىردە جاساعان جاقسىلىعىنا، ادامگەرشىلىگىنە، ءوزى الدانسا دا ەشقاشان وزگە ادامدى الداماي، ادال بولسا عانا ومىردە شىنايى  باقىتقا جەتكىزەدى.ومىردە باسىڭا قانداي قيىنشىلىق تۇسسە دە، سوعان توتەپ بەرىپ، شىدامدى، سابىرلى بولىپ، سول قيىن كەزەڭنەن شىعا بىلسەك، بۇل ءبىزدىڭ ۇلكەن جەڭىسىمىز.

ارينە، ءومىر جولى – داڭعىل ەمەس.ءورى دە، ىلديى دا جەتەرلىك.ءومىر سىنىنان سۇرىنبەي ءوتۋ – ءار ادامزاتتىڭ پارىزى.ءاربىر ادام اڭساعان ارمانىنا جەتۋ ءۇشىن ءومىر بويى كۇرەسەدى.تالاپتانادى، تالپىنادى.ءومىردىڭ ءبىر «كىرپىشى» بولىپ قالانۋعا بار ىنتا-جىگەرىن سالادى. «ادام بولىپ قالۋ ءۇشىن عالامدا، ۇلكەن ارمان كەرەك ەكەن ادامعا» دەپ، مۇحتار شاحانوۆ اتامىز جىرلاعانداي، ادامعا قانات بىتىرەتىن ول – وي-قيالى، ماقسات-مۇددەسى.ارمانسىز، ماقساتسىز ادام جارىقسىز ۇڭگىرمەن تەڭ.ومىرگە كەلگەسىن، ارتىمىزدا وشپەستەي ءىز قالدىرماساق تا، ادامگەرشىلىك پەن رۋحاني قۇندىلىقتاردى ۇمىتۋىمىزعا بولمايدى.

ءومىر وزەن ءتارىزدى توقتاۋسىز، ەشكىمگە بىلدىرمەي ءوتىپ جاتادى. «كوپ ادام ءوزىنىڭ ومىرگە نە ءۇشىن كەلگەنىن، نە ءۇشىن ءومىر ءسۇرىپ جاتقانىن بىلمەي ءوتىپ جاتىر.»  دەپ، دجان جازعانداي، سول وزەن اعىنىندا كەيبىر جان ءوز ارناسىن تاۋىپ جاتسا، كەيبىرەۋلەرى باستارىن تاسقا دا، جارعا دا ۇرىپ، ءوز جولىن تابا الماي جاتادى.سوڭعىسى، ارينە، وكىنىشتى-اق.

ءومىر – كۇرەس.ەڭ باستىسى «دۇنيە الما-كەزەك» دەگەندەي، جالعانداعى بارشا قيىندىقتىڭ ۋاقىتشا ەكەنىن ۇعىنىپ، «ءومىر» اتتى كەمەدە قاتارىڭنان قالماي، جولىڭدا كەزدەسكەن قيىندىقتاردىڭ بارلىعىن دا جەڭە ءبىلۋ كەرەك.سوندا عانا ءبىز ءومىردىڭ عاجايىپتىلىعىن سەزىنە الامىز.مەنىڭ تۇسىنىگىمشە، ءومىر – تەڭدەسى جوق، قۇدىرەتتى كۇش يەسىنىڭ بىزگە ۇسىنعان سىيلىعى.قامشىنىڭ سابىنداي عانا قىسقا عۇمىردى باياندى دا باقىتتى وتكىزگەنگە نە جەتسىن، شىركىن!

---