مەكتەپتەن كەيىنگى «بولاشاق» ستيپەندياسى حالىقارالىق، رەسپۋبليكالىق وليمپيادا جەڭىمپازدارىنا بەرىلۋى مۇمكىن
عىلىم جانە جوعارى ءبىلىم مينيسترلىگى باكالاۆريات دەڭگەيىندە «بولاشاق» ستيپەندياسىن ءبولۋ جۇمىستارى قالاي ءجۇرىپ جاتقانىن ايتىپ بەردى.
"بولاشاق» ستيپەندياسى ارقىلى باكالاۆر دارەجەسىن الۋ ماسەلەسى ءالى تالقىلانىپ جاتىر. 2023 جىلدىڭ 17 اقپانىنداعى شەتەلدە كادرلار دايارلاۋ جونىندەگى رەسپۋبليكالىق كوميسسيا وتىرىسىنداعى تاپسىرماعا سايكەس، «بولاشاق» ستيپەندياسى شەڭبەرىندە باكالاۆريات باعدارلاماسىمەن وقۋ ءۇشىن «جالپى ءبىلىم بەرەتىن پاندەر بويىنشا حالىقارالىق، رەسپۋبليكالىق وليمپيادالاردىڭ جەڭىمپازدارى جانە حالىقارالىق، رەسپۋبليكالىق ورىنداۋشىلار كونكۋرستارىنىڭ جەڭىمپازدارى» جەكە ساناتىن ءبولۋدى جوسپارلاۋ ماقۇلداندى. دەسەك تە، بۇل سۇراق بويىنشا ءالى دە بىرنەشە ۋاكىلەتتى ورگاننىڭ ماماندارى جان-جاقتى زەردەلەپ، شەشىم شىعارادى»، - دەپ جاۋاپ بەردى مينيسترلىك اگەنتتىكتىڭ رەسمي ساۋالىنا.
بۇعان دەيىن مينيسترلىك قازىرگى «بولاشاق» ستيپەندياسىنىڭ 60% تەحنيكالىق جانە IT ماماندىقتارعا بەرىلەتىنىن ايتقان ەدى. 2023 جىلدان باستاپ ينجەنەرلىك-تەحنيكالىق قىزمەتكەرلەر مەن مەديسينالىق ماماندار جەڭىلدەتىلگەن شارتتارمەن «بولاشاق» حالىقارالىق ستيپەندياسىنىڭ كونكۋرستىق ىرىكتەۋىنە قاتىسا الادى.
اتالعان وزگەرتۋلەردىڭ ارقاسىندا قازاقستاندىق دارىگەرلەر مەن تەحنيكالىق قىزمەتكەرلەر جانە اۋىلدان شىققان ۇمىتكەرلەر 12 ايعا دەيىنگى تەگىن تىلدىك دايىندىقتان وتە الادى.
جالپى «بولاشاق» باعدارلاماسىمەن وسى كۇنگە دەيىن الەمنىڭ وقۋ ورىندارىندا 12 430 مامان دايارلانعان. ونىڭ ىشىندە الەۋمەتتىك-گۋمانيتارلىق باعىتتا 55% مامان وقىسا، تەحنيكالىق باعىت بويىنشا تەك 36%-ى ءبىلىم العان.
You Might Also Like
-
باپاي دەگەن كىسى وتىز بەس جاسىندا جاۋدان ولەدى. ەردەس، مەدەت، اقتەن دەگەن ءۇش جاس بالا جەتىم قالادى. ەردەس ون جەتى جاسىندا باتىر بولىپ جاۋعا اتتانداى. بۇل بارعانى قازاق پەن قالماقتىڭ سوعىسى ەدى. قال...
-
استانا قالاسى №72 مەكتەپ-ليسەيىنىڭ قازاق ءتىلى مەن ادەبيەت ءپانى ءمۇعالىمى تلەگەنوۆا كارلىگاش احمەتبەكوۆنا
