InfoHub Logo

ابىلايدىڭ قولى وسى ارقانى بويلاپ، قالماقپەن قۋا سوعىسىپ كەلە جاتقاندا، ءبىر ۋاقىت قالماقتار ءتاسىل جاساپتى. ءبىر تاستىڭ ۇڭگىرىنە كىرىپ، بەكىنىپ جاتىپ الىپ، جاسىرىنىپ قالادى. ارتىنان قۋىپ كەلە جاتقان ابىلاي قولى «جاۋ قاشتى» دەپ بەيعام بولادى. سوندا قالماقتار ۇڭگىردەن شىعىپ، ابىلايدىڭ قولىن تۇتقيىل شابۋىلمەن قىرارمان بولىپتى دەيدى. ءبىراق جۇرت ەس جيىپ، سوعىسا باستاعاندا قازاق كوپ بولعاندىقتان، قالماقتار قايتا قاشىپ، ۇڭگىرگە كىرىپ الىپتى. سونىمەن، بەكىنىپ جاتىپ ساداق اتىپ، ابىلايعا العىزباي قويىپتى. كوپ ادامى قىرىلىپ، اشىنعان ابىلاي قولداعى باتىرلارىنا جار سالىپتى: «كىمدە-كىم ەرلىك ەتىپ، ايلاسىن تاۋىپ، وسى قالماقتى ءدال وسى ۇڭگىردەن شىعارماي قىرىپ بەرەتىن بولسا، بۇدان بىلاي قولباسىلىق دارەجەنى ۇنەمى سول كىسىگە بۇيىرامىن!» — دەپتى.

سوندا ابىلايعا ەرگەن كوپ باتىرلاردىڭ ىشىنەن ۇزدىك شىققان قاراكەرەي قابانباي بولعان ەدى. كۇندىز-تۇنى تالاي ۇرىس سالىپ، ۇڭگىردىڭ اۋزىن وقپەن كومىپ، قالماقتى تۇقىرتىپ وتىرىپ، الدەنەشە كۇن اشتىقتان تۇرالاتادى. ءسويتىپ، ارتىنان جەڭىستىڭ تويىن تويلاعاندا، ابىلاي قابانبايدى قاسىنا الىپ وتىرىپ:

— بار باتىردان سەن وزدىڭ، جەكە دارا شىعىپ، وزىپ تۇرسىڭ. ايتقانىم ايتقان، سەرتىمنەن شىققانىم وسى! قايراتىڭ ءۇشىن بۇدان بىلايعى جورىقتا ۇدايى قولباسى سەن بولاسىڭ جانە بۇدان كەيىن سەنىڭ اتىڭ قابانباي ەمەس، «دارابوز» بولسىن! — دەپتى.

وقۋعا كەڭەس بەرەمىز:

قابانبايدىڭ باتاسى

قابانباي باتىر

قاباننىڭ التاي وڭىرىندە كوزگە ءتۇسۋى

---