InfoHub Logo

1. سپورتتىق سايىستىڭ ماقساتى:
ا) سپورت – سەنىڭ سەرىگىڭ ويىندارى ارقىلى بالالاردىڭ سپورتقا دەگەن قىزىعۋشىلىعىن ارتتىرۋ
ءا) ويىن بارىسىندا بالالاردىڭ ىنتىماقتاستىعىن ارتتىرا وتىرىپ، ادامگەرشىلىككە، ادالدىققا، ۇيىمشىلدىققا تاربيەلەۋ.
ب) ويىنعا قاتىسۋشىلاردىڭ ءوزىن - ءوزى انىقتاۋ، تۇلعانىڭ مۇمكىندىكتەرىمەن قابىلەتتەرىن دامىتۋ ارقىلى شاپشاڭدىق، ەپتىلىك داعدىلارىن قالىپتاستىرۋ.
2. سپورت مەرەكەسىنىڭ قورىتىندىسىن شىعارۋ. قاتىسۋشىلاردى ماراپاتتاۋ.
3. كەرەكتى قۇرال - جابدىقتار: قاسىق، دوپ، تۋنەل، كارتوپ، سەبەت، ءتۇرلى سۋرەتتەر، ارقان، شەڭبەر.
جۇرگىزۋشى: قۇرمەتتى ۇستازدار جانە وقۋشىلار! سىزدەردى سپورت - ءبىزدىڭ دوسىمىز! اتتى سپورتتىق شارامىزعا شاقىرامىز. ەڭكەيگەن كارىدەن بەسىكتەگى بالاعا دەيىن سالاۋاتتى ءومىر سۇرۋگە تالپىنىپ، سوعان قوعامدا، مەكتەپتە جاعداي جاساپ، دەنساۋلىقتى ساقتاۋعا اتسالىسۋىمىز قاجەت. ول ءۇشىن كۇندەلىكتى تاڭەرتەڭگىلىك جاتتىعۋلار جاساۋدى، جۇگىرۋدى ادەتكە اينالدىرۋىمىز كەرەك، سوندا عانا ەگەمەندى ەلىمىزدىڭ مىقتى ازامات بولىپ وسەمىز. جارىستى باستاماس بۇرىن دەنە قىزدىرۋ جاتتىعۋلارىن ورىنداپ الايىق.
جۇرگىزۋشى: بۇگىنگى وتكەلى تۇرعان «سپورت - سەنىڭ سەرىگىڭ!»اتتى سپورتتىق - ەستافەتالىق سايىسقا قوش كەلدىڭىزدەر! ەندەشە سپورتتىق ويىن - ساۋىعىمىزدى باستاماس بۇرىن ءادىل - قازى القاسىن تانىستىرىپ وتەيىن:
ال، سايىسكەر بالالار،
ەشكىمىڭ جوق الالار
«جەڭىمپاز» بولۋ ۇلكەن ەرلىك
ونى ءادىلقازى باعالار.
(ءادىلقازى مۇشەلەرىمەن تانىستىرۋ)
1. بالاباقشا ادىسكەرى: دانا شامشيدەن قىزى
2. بالاباقشا مەدبيكەسى: جۇلدىزاي باقىتجان قىزى
3. اتا - انا: اقمارال امانگەلدى قىزى
«سپورت – سەنىڭ سەرىگىڭ» سپورتتىق سايىسىنىڭ باعدارلاماسى:
1. «تەز ادىمدا»
2. «تۋنەل»
3. «پينگۆين»
4. «ارقان تارتىس»
جۇرگىزۋشى: قۇرمەتتى سايىسكەرلەر! سىزدەرگە ءسات ساپار!
سايىسىمىزدى باستايمىز.
«قىران»توبىن ورتاعا شاقىرامىز
توپتىڭ ۇرانى: سالاۋاتتى ءومىر سالتىن ساقتايمىز،
جاتتىعۋدان ەشقاشاندا قاشپايمىز!
«تۇلپار»توبىن ورتاعا شاقىرامىز
توپتىڭ ۇرانى: سپورتپەن دوستاسامىز،
جالقاۋلىقپەن قوشتاسامىز!
ءى كەزەڭ:
«تۇلپار» توبى بالالار.«تەز ادىمدا»
شارتى: سەبەتتەن سەبەتكە كەدەرگىلەر اراسىمەن يرەلەڭدەپ جۇگىرىپ بارىپ سەبەتكە دوپتاردى تاسۋ.
«قىران» توبى اتا - انا
شارتى: سەبەتتەن سەبەتكە كەدەرگىلەر اراسىمەن يرەلەڭدەپ جۇگىرىپ بارىپ سەبەتكە دوپتى سالىپ، جۇمباق شەشۋ.
1. دوپتى الىپ قولعا،
ءدال تۇسىرگەن تورعا. (باسكەتبولشى)
2. قىرىق ەكى شاقىرىم قاشىقتان
جۇگىرىپ ءوتىپ ماشىققان. (مارافونشى)
3. شەبەرلىك كورسەتىپ جۇرگەندەر،
اعاش اتقا مىنگەندەر. (گيمناسشى)
4. جەڭiل شاردى دومالاق.
ۇرساڭ
ۇشىپ جوعارى،
جەرگە تۇسەر دومالاپ. (دوپ)
5. قايقى تۇمسىق قوستابان،
قوس تاياقپەن ۇشتاعان.
يتەرسەڭ العا زاۋلايدى،
شويىن جولدان اۋمايدى.
تابانعا قانجار بايلادىم،
بەتiندە اينا وينادىم. (كونكي)
ءىى كەزەڭ: «تۋنەل»
شارتى: بۇل سايىستا ارنايى جابدىقتالعان تۋنەلدىڭ استىنان ءوتىپ، ماتراس ۇستىنەن اۋناۋ كەرەك. مارەگە جەتىپ، سورەگە جۇگىرىپ قايتۋ قاجەت.
Iءىى كەزەڭ: «پينگۆين»
شارتى: دوپتى اياق اراسىنا قىسىپ الىپ، جەرگە قۇلاتپاي پينگۆيندەر جۇرىسىمەن ءجۇرىپ، مارەگە جەتىپ، قيىندى سۋرەتتەردەن ءبىر ءبۇتىن سۋرەت قۇراستىرۋ ءتيىس، قاي توپ ءبىرىنشى كەلسە سول توپ جەڭىمپاز.
ءىV كەزەڭ: «ارقان تارتىس»
شارتى: ارقان تارتۋ. الاڭ ورتاسىنا كولدەنەڭ سىزىق سىزىلادى. ويىنعا ورتاسىنا قىزىل ءجىپ بايلانعان ارقان قويىلادى. ويىنعا قاتىساتىن وقۋشىلار ءوز توپتارىمەن بىرگە ەكى جاقتان ارقاندى تارتادى. ورتاداعى كولدەنەڭ سىزىقتان قاي توپ بۇرىن سۇيرەپ وتكىزسە، سولار جەڭىسكە جەتەدى.
جۇرگىزۋشى:- راحمەت، ويىنشىلار. بارلىق جارىس شارتتارىن ورىندادىق.
ونەرگە بيىك سەنىڭىز
دۋمانعا قىزىق كەلىڭىز
ءادىلقازى ەل سەنگەن
سايىسقا باعا بەرىڭىز!
(ءادىلقازىلار سايىستىڭ شارتتارى بويىنشا قورىتىندى شىعارىپ، جەڭىمپازداردى جاريالاي وتىرىپ، ماراپاتتايدى)

اتىراۋ قالاسى، "زەينەپ، امينا جانە بالاپاندار"
بوبەكجاي - بالاباقشاسىنىڭ تاربيەشىسى
بالمۋحانوۆا ارايلىم سانسىزبايەۆنا