InfoHub Logo

سۇتكە، جۇمىرتقا قوسىلعان سورپاعا يلەنگەن قامىر سوزىلىپ، ۇساقتاپ تۋرالادى دا مول ەتىپ ماي قۇيىلىپ، سوعان قالقىتىپ پىسىرىلەدى. مۇنداي باۋىرساقتىڭ ءدامى كامپيتتىڭ دامىندەي بولادى. ۇگىتىلىپ تۇرادى.

شي باۋىرساققا قاجەتتى زاتتار:

ۇن – 500 گر.
سارى ماي – 100 گر.
جۇمىرتقا – 1 دانا.
قانت – 1 اس قاسىق.
تۇز – 1 شاي قاسىق.
اس سوداسى – 1 شىمشىم.
سۋ.

جاسالۋ جولى:

1. ۇلكەن ىدىسقا ۇندى سالىپ، ورتاسىنا ۇڭعىما جاسايمىز. ورتاسىنا سارى مايدى ەرىتىپ قۇيامىز، جۇمىرتقانى سالامىز.

2. 2 ستاقان جىلى سۋعا تۇز، قانتتى ەرىتەمىز دە، ۇنعا بىرتىندەپ قۇيىپ، قاتتىراق قامىر يلەيمىز.

3. قامىردى 30 مينۋتقا ءيى قانعانشا جاۋىپ قويامىز.

4. قامىردى 3-4 كۇلشەگە ءبولىپ، ءارقايسىسىن 0،5 سم قالىڭدىقتا جايامىز.

5. ەندى جايىلعان قامىردى 3-4 سانتيمەرلىك سىزىقشا ەتىپ كەسىپ، ءار سىزىقتى 0،5 سم-دەي تاياقشالارعا بولەمىز.

6. باۋىرساقتى مايعا قۋىرامىز. وسىمەن باۋىرساعىمىز دايىن.

اس بولسىن!

---