InfoHub Logo

بارىمىزگە بەلگىلى كحدر (كورەي حالىق دەموكراتيالىق رەسپۋبليكاسى. جابىق مەملەكەت بولىپ تابىلادى. 1948 ج 9 قىركۇيەكتە كحدر رەسمي تۇردە جاريالاندى. 2016 جىلعى حالىق ساناعى بويىنشا 25 368 620 ادامدى قۇرايدى. جەر اۋماعى الەم بويىنشا 97 ءشى ورىندا. استاناسى پحەنيان قالاسى. مۇنداعى ىشكى تىيىمدارعا توقتالساق.

1. كوك ءتۇستى دجينسى كيۋگە بولمايدى. كورەيا ۇكىمەتى يمپەرياليزم مەن كوگىلدىر ءتۇستى بايلانىستىرادى. ياعني كوك ءتۇستى دجينسى كيگەن ادام حالىق جاۋى بولىپ سانالادى.

2. گازدالعان سۋسىن ءىشۋ. گازدالعان سۋسىن ىشۋگە تىيىم سالعان ەكى مەملەكەتتىڭ ءبىرى سولتۇستىك كورەيا بولىپ تابىلادى. ونى تەك زاڭسىز تۇردە الۋعا بولادى.

3. وزگە ەلدىڭ مۋزىكاسىن تىڭداۋعا، فيلمدەرىن كورۋگە جانە كىتاپتارىن وقۋعا تىيىم سالىنعان. بۇل زاڭدى بۇزاتىن بولسا قاتاڭ جازالانادى. وسىلاردان تەك سەنزۋرادان وتكەندەرىن عانا پايدالانا الادى.

4. ەل ىشىندە ەمىن-ەركىن باردى-كەلدى جاساۋعا بولمايدى. ءبىر قالادان ەكىنشى قالاعا بارۋ ءۇشىن ارنايى رۇقسات الۋ قاجەت، ول دا وڭايلىقپەن بەرىلمەيدى.

5. مۇندا زاڭدى جولمەن پاتەر يەسى اتانۋ مۇمكىن ەمەس. ەلدىڭ قاراپايىم تۇرعىنىنا پاتەر الۋ قيىننىڭ قيىنى. سوندىقتان قارا نارىقتان الادى نەمەسە مەملەكەتكە كەزەككە تۇرادى.

6. جەكە كولىگىنىڭ بولۋى. مۇندا تەك جوعارى لاۋازىمداعى ادامدار عانا جەكە كولىك الا الادى. قاتارداعى قاراپايىم ادامداردىڭ كولىك جۇرگىزگەنىن كورسە بىردەن اباقتىعا جابادى.

7. ءدىن ۇستانۋ. بۇل ەلدە قانداي دا ءبىر ءدىندى ۇستانۋعا تىيىم سالىنعان، سوندىقتان بارلىق دەرلىك تۇرعىندار اتەيست بولىپ كەلەدى. سونىمەن قاتار ۇيلەرىندە ءدىني كىتاپ ۇستاۋعا بولمايدى. مۇندا تەك باسشىلارىنا عانا تابىنادى.

8. مەملەكەت باسشىسىنا جانە وتباسىنا ءتىل تيگىزۋگە بولمايدى. سولتۇستىك كورەي تۇرعىندارى باسشىلارى كيم چەن ىن جانە وتباسى مۇشەلەرىنە دەگەن ماحابباتتارى مەن قۇرمەتىن كورسەتۋى كەرەك. ولار تۋرالى باسقا ءسوز ايتۋ بيلىككە ءقاۋىپ توندىرگەن بولىپ ەسەپتەلەدى جانە سوڭى اباقتىعا الىپ كەلەدى.

(بىلەسىز بە؟ مۇندا ايىپتالۋشى قىلمىسكەر جازانى ءبىر ءوزى ەمەس وتباسى مۇشەلەرىمەن تۇگەل تارتادى. اسىرەسە، ساياساتتىق قىلمىستارعا بايلانىستى. ەگەر، ءبىر ادام مەملەكەت باسشىسىنا ءتىل تيگىزگەن بولسا، اتا-اناسى، بالاسى، ءتىپتى اتاسى مەن اجەسى دە ايىپتى بولادى..

9. ايتسا سەنگىسىز، ءبىراق مۇندا اركىم ءوز قالاۋىمەن شاش ۇلگىسىن جاساتا المايدى. مەملەكەت باسشىسى كيم چەن ىن تاعايىنداپ بەرگەن 28 ءتۇرلى شاش ۇلگىلەرى بويىنشا عانا شاش قيدىرتادى.

10. تۋريستتەر ءوز ەرىكتەرىمەن بارار باعىتىن بەلگىلەي المايدى. كحدر-عا كەلگەن تۋريستكە، قايتقانعا دەيىن ارنايى باقىلاۋشى ءبىر ادام تاعايىندالىپ بىرگە جۇرەدى، تۋريستتىك مارشرۋتتاردى دا سول تاعايىندايدى. سونداي-اق تۋريستتەرگە جەرگىلىكتى جەرلەردى سۋرەتكە تۇسىرۋگە جانە تۇرعىندارمەن سويلەسۋگە بولمايدى.

11. باسشىلىقتى تاڭداۋ. مۇندا دا سايلاۋى بولادى، ءبىراق كىمنىڭ جەڭەتىنى داۋىس بەرۋ باستالماي جاتىپ-اق بارىنە بەلگىلى.

12. ب ا ق (بۇقارالىق اقپارات قۇرالدارى) تاراتاتىن كەز-كەلگەن مالىمەت بيلىك تاراپىنان قاتاڭ باقىلانادى. جۋرناليست ماماندارىنىڭ جاۋاپكەرشىلىگى وتە جوعارى، سەبەبى ماتىندەگى قاتە ءۇشىن جۇمىستان ايىرىلىپ قانا قويماي تۇرمەگە جابىلۋ دا عاجاپ ەمەس.

13. سولتۇستىك كورەي كوشەلەرىندە بيلىكتى جانە مەملەكەت باسشىسىن ماقتاپ ىلىنگەن پلاكاتتارعا تيىسۋگە، قانداي دا ءبىر زاقىم كەلتىرۋگە بولمايدى. بۇل ءۇشىن ۇزاق جىلعا ەڭبەك لاگەرىنە ايدالۋى مۇمكىن.

14. كحدر-دا بالا تۋىلماي جاتىپ، ونىڭ قاي ساناتقا جاتاتىنى انىقتالادى. سولتۇستىك كورەيادا ادامدار ءۇش ساناتقا بولىنەدى. جوعارعى، بەيتاراپ جانە جاۋلار. بۇل ەلدە تومەنگى ساناتتان شىققان بالا جوعارى لاۋازىمدارعا كەلە المايدى.

15. تۇرعىندار باسقا ەلگە قونىس اۋدارا المايدى. تەك بەلگىلى سەبەپپەن جانە ارنايى رۇقساتى بار ادام عانا باسقا مەملەكەتكە بارا الادى. ەش سەبەپسىز ەلدەن قاشپاقشى بولعان ادام ۇستالىپ قالسا بىردەن تەمىر تورعا قامالادى نەمەسە اتۋ جازاسىنا كەسىلەدى. بۇعان قاراماستان ون مىڭداعان ادام بۇل ەلدەن ءساتتى قاشىپ قۇتىلعان.

وقۋعا كەڭەس بەرەمىز:

سولتۇستىك كورەيادا وقۋشى بولۋ دەگەن نە؟

سولتۇستىك كورەيادا ءبىلىم بەرۋ قالاي ۇيىمداستىرىلعان

سولتۇستىك كورەياداعى جالعىز مەتروسىنىڭ كورىنىسى قانداي؟

وڭتۇستىك كورەيادان اكتريسا مەن رەجيسسەر ۇرلاتىپ العان كيم چەن ير

---